Ibrani 9:2 - O GIKIMOI AWI JAJI ma BUKU

² Komagena o dadaru ilalamo moi isigoko de o baro isiperesuka, de ma rabaka lo kanaga o ngihi ngai sinoto magena lo de o baro isiperesu kali. O ngihi ma nonoma gena isironga o Ngihi Datetebi. Kagena ma rabaka kanaga o silo ma dadami de lo ma meja kiaka ma dokuka manga suba o roti yahado la isisuba o Gikimoika.

Ibrani 9:2 Referans Kwoze

Matius 5:15

De nako o poci moi gena kanaga lo pamakewa maro o poci o nyawa moi watupuka de lo o poci magena o kula wositalakeka. Duma bilasu o poci magena wahado ma dadamika, ma ngale o nyawa o tahu ma rabaka aku ma siwa gena yangodu yamake.

Matius 12:4

o Gikimoi Awi Tahuka una wowosa so o roti o Gikimoika isisusuba gena wadehe de waodoka. Ena momongo, idadiwa nako pamote to ngone nanga agama ma bobita, cawali o bi imam aku o roti magena yaodo. Duma o Daud waodoka de to una awi nyawa lo wahike so yaodoka.

Ibrani 9:25

So ma Kristus Una magena Awi rohe asa upa he o Gikimoi wihike wosidadu-dadu, gena imaterowa de o Yahudika manga Imam Wilalamo la kanaga o taungu moi ma moi o Ngihi Foloi Datetebi ma rabaka wowosa cawali ka o haiwani ma au waaho.