Ibrani 9:10 - O GIKIMOI AWI JAJI ma BUKU

¹⁰ Ena gena, o bi bobita magena ka ma ngale o odo, o udo, de lo o nyawa manga adati de manga galepu ma bio idala gena yatebi. O bi bobita la ma ngale cawali nanga rohe, magena de ma faida sidago ma orasi yaado o Gikimoi Awi jaji damomuane gena waaka.

Ibrani 9:10 Referans Kwoze

Kolose 2:16

So bilasu ngini gena upa niasimaha o nyawa kanaga nisisala so bilasu ngini inifanggali de o dorou, nakoso nisidoohawa o bobita o kia naga ngini niaodo de niaudo, eko o rarame o kia bato koloko o taungu isigeto ma rarame, eko ma orasi o ngoosa ma nisa ma rarame eko lo o Yahudika manga Sabat ma wange.

Ibrani 7:16

Upa ma ngale ma bobita gena Awi sihino naguunano, duma ma ngale Awi oho ka sidutu ikakali ma kuasa so Una magena asa wodadi o imam moi.

Ibrani 10:22

De Awi au gena, ngone nanga sininga isitiai la aku panako kanaga ngone gena nanga sala ihiwaka. De o ake daloloha nanga rohe wosiosi maro o nonako moi ngone wonatebika. Komagena so hino la ngone de nanga sininga igogou de lo nanga piricaya itotatapu gena powisidate o Gikimoika.

Ibrani 9:1

Nako o Gikimoi Awi jaji idodomaka magena, kanaga de ma bobita ma ngale o suba ma ngeko de lo o suba ma tahu kiaka o nyawa yaaaka.

Ibrani 6:5

Ona yanakoka o Gikimoi Awi demo gena igogou daloha, de lo yamaloka o kuasa ilalamo, kiaka imatero de o kuasa done o orasi ma simaka asa iuuti.

Ibrani 2:5

Nakoso posiade-ade o dunia manena kiaka done damomuane o orasi ma simaka, ma ngale yapopareta gena o Gikimoi Awi kuasa wahike o bi malaikat gena yasowo.

Ibrani 13:9

O dodoto kiaka imakoketerowa de nanga piricaya gena, upa sidago ngini inisihaga. Nako o bobita ma ngale o ino gena, idala o bi Yahudika ma nyawa yamote, duma o bobita magena asa yaakuwa o laha isidumu o nyawa ona magena o bobita yamomoteka. So ifoloisi daloha ngone pososininga o Gikimoi Awi sininga ma laha la aku nanga sininga isiputuru.

Ibrani 6:2

De upa posidadu-dadu o dodoto kiaka ma ngale pomaosi de o Jou Yesus Awi ronga, eko o dodoto kiaka ma ngale nanga gia pahado o nyawaka. De lo upa posidadu-dadu o dodoto kiaka ma ngale posoneka de aku pooho kali, eko lo o dodoto kiaka ma ngale o fanggali o bi nyawa ma dorouka gena o sangisara ka sidutu ikokakali. Upa o dodoto ma nonoma maro komagena ka posidadu-dadu, duma magena de bilasu podogo kali bai!

Efesus 1:10

So done ma orasi itotiai gena imasidiadoka, de o Gikimoi asa Awi edekati dangodu gena waaka. Ena gena, o bi moi-moi o kia naga o sorogaka de lo o duniaka gena dangodu-ngodu asa isirimoi la ma Kristus wapareta.

Galatia 4:9

Duma o orasi manenaka de ngini magena asa igogou o Gikimoi niwinakoka, eko ngini gena o Gikimoi lo wininakoka. Komagena de dadodooha so nia sininga ma rabaka asa itiaiwa, so nisisala de sidago o Yahudi manga bobita o Gikimoino, ngaroko nia sininga yaakuwa yaaka itiai, duma magena niamote kali. Upa sidago magena niamote kali so ngini maro idodomaka inipareta kali.

Ibrani 7:12

So nakoso o bi imam o Lewi awi ngopa de awi danoku ona magena yatagalika de o imam moili, de igogou bilasu o bobita magena lo yatagali.