Ibrani 8:9 - O GIKIMOI AWI JAJI ma BUKU

⁹ O jaji damomuane magena imaterowa de o jaji idodoma, kiaka taaaka to ona manga ete de manga toporaka ma orasi o Mesir ma tonaka de Ngohi ona tatuda de tasisupu. Ona yokaeliwa o jaji idodoma magena yomote, so ona gena Ngohi tasidodooha kawa.

Ibrani 8:9 Referans Kwoze

Galatia 4:24

O bi moi-moi idadadi magena o ade-ade moi inadodoto ngoneka. O ngopedeka yasinoto gena imatero de idomaka o Gikimoi de o nyawa imatekekajajika, gena o jaji ngai sinoto. O jaji ma nonoma gena, o Yahudika manga bobita o Gikimoino o Sinai ma Talaka yamamake de sababu o bobita magena bilasu o nyawa yosigise, so o bobita magena yaaka so ona yogogilaloka, maro muna mogogilalo gena mopuo de ma ngopa gena lo done iwipareta. So o jaji magena imatero de muna mogilalo,

Markus 8:23

Magena de o Yesus o nyawa wopipilo una magena iwituda so wisisupu o doku ma duduka. La o Yesus to Una Awi kibi wisipurai awi lakoko de Awi gia wosipada de wisano, “Nomasigeleloka?”

Rasul 13:11

O orasi manena dabolo asa o Jou wonisisangisara ngonaka, so ani lako ipilo sidago o orasi muruo naga so o wange ma siwa lo nakelelo kawa.” O orasi magena dabolo o Elimas wamalo gena koloko awi lako o marasa yasaoka, so wotagi lo ka wopada-pada de o nyawa womasari la wituda.

Rasul 9:8

Kagena de o Saulus womaoko de awi lako wapelenga, duma womasigelelo kawa. So awi nyawa ona magena awi giaka yacoho la wituda wisingosa o Damsyik ma kotaka.

Dodadi 19:16

Asa una gena awi akali ibulutuka. Duma o Jou gena Awi edekati una upa wobodito so ona yasinoto gena iwituda, de ma pedeka komagena lo awi ngopa yasinoto so yasisupu o kotano.

Rasul 7:36

O Musa una magena dabolo wangahoka o Israelka ma nyawa o Mesir ma tonano de o nonako ihahairani waaaka la o Gikimoi Awi kuasa wasikelelo o Mesir ma dokuka, de o Laut Merahka, komagena lo o taungu moruha o tona ibobeleuka.