Ibrani 8:8 - O GIKIMOI AWI JAJI ma BUKU

⁸ O Gikimoi Awi nyawa manga sala wakeleloka, de Una wotemo, “Niososininga! Ma orasi he idumuka, Ngohi asa o jaji damomuane moi taaka o bi Yahudika ma nyawa yangoduka, bai o Israelka de lo o Yehudaka.

Ibrani 8:8 Referans Kwoze

Ibrani 12:24

De ngini lo niwirisima o Yesuska, Una magena wodadi maro o Gikimoi Awi dagali moi o jaji damomuane gena waaturu. O Yesus wosone de Awi au ikopolaka, de Awi au gena foloisi daloha de o Habel awi au idodomaka, sababu o Habel awi au gena isinako bilasu yafanggali, duma o Yesus Awi au magena isinako igogou nanga dorou aku yaaponguka.

Ibrani 9:15

Komagena so ma Kristus gena asa wodadi maro o Gikimoi Awi dagali moi o jaji damomuane waaturu, la ma ngale o nyawa o Gikimoi waaasoka, ona magena aku yamake o moi-moi wojojajajika magena dangodu, kiaka Awi warisi ikokakali wosidailako onaka. Sababu ma Kristus asa wosoneka ma ngale ona manga dorou, kiaka o jaji idodomaka yatilakuka, so magenano aku wapalako.

2 Korintus 3:6

Una magegena ngomi womisiputuru la midadi maro to Una Awi sosulo so mitagi misihabari Awi jaji damomuane o nyawaka. Awi jaji damomuane gena dasowo de o bi bobita isilelefoka, duma Awi Gurumi ma manara o nyawaka. Sababu nako o bobita isilelefo gena, itemo o nyawa ma dorou bilasu de o Gikimoi imakitinga, duma o Gikimoi Awi Gurumi magena wahike o oho ka sidutu ikakali.

1 Korintus 11:25

De komagena lo yoodo dabolo, de Una magena kanaga o anggur ma udo-udo wadehe de wotemo, “O udo-udo manena ma ngale to Ngohi Ai au gena inisinako igogou o Gikimoi Awi jaji damomuane. Magena niaaka maro o sosininga moi Ngohika.”

Lukas 22:20

De komagena lo yoodo dabolo, de Una magena kanaga o anggur ma udo-udo wadehe de wotemo, “O udo-udo manena ma ngale to Ngohi Ai au ikokopola gena ma meta nginika, inisinako igogou o Gikimoi Awi jaji damomuane.))

Markus 14:24

Yaudo dabolo de Una wotemo, “Manena to Ngohi Ai au, inisinako igogou o Gikimoi Awi jaji la Ai au ikokopola manena ma meta o nyawa yadadalaka ma ngale o dorou ma apongu.

Lukas 17:22

Daboloka de o Yesus watemo Awi muri-murika, “Done ma orasi asa imasidiado, de ngaroko ka o wange moi lo ngini foloi niodupa Ngohi, o Nyawa ma Duhutu, nikelelo kali, duma ngini asa Ngohi nikelelo kawa.

Matius 26:28

Manena to Ngohi Ai au, inisinako igogou o Gikimoi Awi jaji la Ai au ikokopola manena ma meta o nyawa yadadalaka ma ngale o dorou ma apongu.

Ibrani 7:22

So de o Gikimoi Awi sasi komagena, gena isikelelo igogou ma ngale o Yesus so kanaga o Gikimoi Awi jaji damomuane ngoneka magena daputuruka de lo foloisi daloloha de Awi jaji idodoma o bi Yahudika.

Ibrani 8:6

Duma o orasi manena naga o manara la kanaga wihihike o Yesuska, gena foloisi daloha de o manara kiaka yahihike o bi imam ma somoaka. Komagena lo o jaji damomuane la kanaga Una maro o Gikimoi Awi dagali moi wasidodiado o nyawaka, gena foloisi daloha de o jaji idodoma o Musa waaahoka, sababu o kia naga o Yesus maro o Gikimoi Awi dagali gena wonajajaji ngoneka, magena foloisi daloha.

Ibrani 8:13

So de Awi demo magena idomaka o Gikimoi wodedemo kanaga o jaji moi damomuane, de lo o jaji idodoma gena bilasu itagali sababu maena kanaga itetekaka. So o jaji itetekaka magena asa ma faida ihiwaka, de igogou he dangade yaumo so isitagali de o jaji moili damomuane.

Lukas 5:38

So o anggur damomuane gena bilasu poguse ma ngihi lo damomuaneku.