Ibrani 8:6 - O GIKIMOI AWI JAJI ma BUKU

⁶ Duma o orasi manena naga o manara la kanaga wihihike o Yesuska, gena foloisi daloha de o manara kiaka yahihike o bi imam ma somoaka. Komagena lo o jaji damomuane la kanaga Una maro o Gikimoi Awi dagali moi wasidodiado o nyawaka, gena foloisi daloha de o jaji idodoma o Musa waaahoka, sababu o kia naga o Yesus maro o Gikimoi Awi dagali gena wonajajaji ngoneka, magena foloisi daloha.

Ibrani 8:6 Referans Kwoze

Ibrani 7:22

So de o Gikimoi Awi sasi komagena, gena isikelelo igogou ma ngale o Yesus so kanaga o Gikimoi Awi jaji damomuane ngoneka magena daputuruka de lo foloisi daloloha de Awi jaji idodoma o bi Yahudika.

Ibrani 12:24

De ngini lo niwirisima o Yesuska, Una magena wodadi maro o Gikimoi Awi dagali moi o jaji damomuane gena waaturu. O Yesus wosone de Awi au ikopolaka, de Awi au gena foloisi daloha de o Habel awi au idodomaka, sababu o Habel awi au gena isinako bilasu yafanggali, duma o Yesus Awi au magena isinako igogou nanga dorou aku yaaponguka.

2 Petrus 1:4

Una gena wolamo de Awi sininga foloi daloha, so wonajajika ma ngale ngone gena Una asa waaka o manara moi-moi foloisi ilamo de lo daloloha. Waaka komagena, la ma ngale Awi gogoho masirete gena kanaga to ngone nanga sininga ma rabaka la magena asa pamote, sababu ngone gena Una wonapalakoka de ngone podupa kawa pamote o nyafusu ma dorou, gena maro o nyawa ma Kristus wihoholu ona yaaka so yasibodito de magena ngone pamote kawa.

Titus 1:2

so ona yongongano asa yamake o oho ka sidutu ikakali. Komagena ma orasi ka o dunia lo wosidadi waasi, de o Gikimoi wojaji daboloka asa Awi nyawa gena ioho ka sidutu ikakali. Una ma moi waasi wokulai.

Lukas 22:20

De komagena lo yoodo dabolo, de Una magena kanaga o anggur ma udo-udo wadehe de wotemo, “O udo-udo manena ma ngale to Ngohi Ai au ikokopola gena ma meta nginika, inisinako igogou o Gikimoi Awi jaji damomuane.))

Roma 9:4

Hika ngini nimasininga o Israel awi ngopa de awi danoku, ona magegena o Gikimoi wotemo maro to Una Awi ngopa masirete, de onaka lo Awi mulia masirete wosimaneka o tona ibobeleuka. Ona de Una lo imatekekajajika, de kagena o Sinai ma Talaka de Awi bobita onaka wahikeka. De ona wadotoka ma ngeko idodooha ona wisuba Unaka, de wajaji Awi laha lo done asa wasidumu onaka.

Efesus 2:12

O orasi magenaka de ngini gena kanaga de ma Kristus nimarimoi waasi, so maro o nyawa ma duduno so nimatingaka de o Yahudika ma nyawa, ona gena o Gikimoi Awi nyawa wahihirika. De o kia naga Una Awi nyawa wajajajika gena moi lo ngini niamake waasi, sababu ngini de Una gena nimakitingaka so upa he niongongano bai!

1 Timotius 2:5

Sababu o nyawa yangodu gena manga Gikimoi ka womatengo, de ka cawali o nyawa womatengo wodadi Awi dagali ma ngale o nyawa yangodu, Una magena o Yesus Kristus de Una masirete lo o nyawa moi.