Ibrani 7:23 - O GIKIMOI AWI JAJI ma BUKU

²³ De kanaga moili, ena gena o bi imam o Lewi awi ngopa de awi danoku gena yadala, sababu ona lo ka o nyawa so ipasa de ona yangodu isoneka de moi-moi manga manara gena he yaaka kawa.

Ibrani 7:23 Referans Kwoze

Ibrani 7:8

Komagena lo o Melkisedek foloisi wolamo de o bi imam o Lewi awi ngopa de awi danoku. Nakoso o bi imam la kanaga o nyawa manga gimina mogiowo gena o gimina moi yamake, de ona magena lo ka o nyawa so done asa isone. Duma maro o kia naga isilelefo o Gikimoi Awi Jaji ma Buku ma rabaka, o Melkisedek la kanaga o Abraham awi gimina ma mogiowoka gena wamake, una magena asa wosonewa duma ka woohosi.

Matius 3:14

Duma o Yohanes asa woholu so wotemo, “Idadiwa, Baba! Bilasu Ngona de asa aku ngohi noiosi. De dadoohaso Ngona nahino ngohino. Komagenawa, bilasu ngohi tahika Ngonaka.”

Ibrani 7:21

Duma ma orasi o Yesus witideka la wodadi ma Imam Wilalamoka, o Gikimoi kanaga wosasi wotemo Unaka, “Ngohi, o Jou Gikimoi, manena tosasi, de lo o kia naga tositatapuka gena igogou de idadiwa tatagali, Ngona gena o imam moi ka sidutu ikakali.”

Ibrani 7:22

So de o Gikimoi Awi sasi komagena, gena isikelelo igogou ma ngale o Yesus so kanaga o Gikimoi Awi jaji damomuane ngoneka magena daputuruka de lo foloisi daloloha de Awi jaji idodoma o bi Yahudika.

Ibrani 7:24

Duma o Yesus wooho ka sidutu ikakali. Komagena so Una lo Awi manara maro o imam moi magena waaka ka sidutu ikakali, de lo imatuluruwa o nyawa ma somoaka.