Ibrani 7:10 - O GIKIMOI AWI JAJI ma BUKU

¹⁰ Sababu o Lewi gena o Abraham awi ngopa de awi dano moiku. Ma orasi o Melkisedek o Abraham gena wimake, de o Lewi una magena wisibuo waasi, una o Abraham awi rohe ma raba kasi. So nakoso o Abraham wihike o Melkisedekka, igogou o Melkisedek una magena foloisi wolamo de o Lewi de lo una awi ngopa de awi danoku ona magena o imam.

Ibrani 7:10 Referans Kwoze

Ibrani 7:5

Maro o bobita o Musa wosilelefoka itemo, o Yahudika ma bi nyawa yangodu bilasu o kia bato yamamakeka gena yaregu la ma gimina ma mogiowoka magena yahike o bi imam o Lewi awi ngopa de awi danoku. Ngaroko o Yahudika ona yangodu o Abraham awi ngopa de awi danoku, duma ma imam gena bilasu manga dodiao magena o Yahudino asa o gimina gena yamake.

Dodadi 46:26

De ma dodoguka gena, ngo dangoduka isijarita o Yakub awi ngopa de awi dano yanauku awi tahu ma rabaka. Nako paeto gena yamoributanga de butanga awi tahu ma raba moi yakahuku kudahu o Mesirku.

Dodadi 35:11

Ngohi o Gikimoi gena Tolamo, de done asa taaka so ngona nopuo so ani ngopa de ani dano asa foloisi yadala la idadi bangsa moi. Sidago lo o bangsa-bangsa ma bolu ilalamo magena asa manga sihino ngonano, de o bi kolano-kolano lo gena ma sihino ngonano.

Ibrani 5:6

De lo kiaka o ayati moi kali wotemo, “Ngona gena o Imam moi ka sidutu ikakali, ka imatero maro idodomaka o Melkisedek awi manara.”

Ibrani 7:9

O bi imam o Lewi awi ngopa de awi danoku ona magena o nyawa manga gimina ma mogiowoka yamake. Duma ngone aku potemo, o bi imam ona magena lo o gimina ma mogiowoka wihike o Melkisedekka.

Ibrani 7:11

Ma orasi o Gikimoi Awi bobita wahike o Yahudi ma nyawaka, de o Lewi awi ngopa de awi danoku ona magena watide la yodadi o bi imam, ma ngale ona gena yamote o bi bobita magena asa aku o nyawa yapareta. Duma o bi imam manga manara magena yaakuwa o Gikimoi Awi simaka o nyawa yatebi. Komagena so o imam moili bilasu witide. O imam wititide magena imatero maro o Melkisedek, de imatero kawa de o Lewi awi ngopa de awi danoku maro o Harun.