Ibrani 6:9 - O GIKIMOI AWI JAJI ma BUKU

⁹ Ai dodiao tinidododara, ngaroko ngohi ai demo gena komagena, duma ngomi manena miangongano daputuru ngini gena nimaterowa de o tona o Gikimoi wakokutuku komagena. Ngomi mianakoka ngini gena de nia sopo foloisi daloha, ena gena nia piricaya de lo nia gogoho magena ka itiai, imatero de o nyawa la kanaga o Gikimoi wasalamatika.

Ibrani 6:9 Referans Kwoze

Ibrani 10:39

Duma ngone manena gena inasowo o nyawa la kanaga imakokiliho de ipiricaya kawa, gena done ona yasangisara. Duma ngone o nyawa la kanaga o Gikimoi powipiricaya, gena asa pooho ka sidutu ikakali.

Ibrani 2:3

So nakoso ngone o habari daloloha gena posidoohawa, de igogou nanga dorou ma fanggali magena asa akuwa inapalako. O habari magena foloisi daloha de o demo kiaka idodomaka o bi malaikat isingongangasu. De magena lo o Jou Yesus masirete wosihabari wodomaka de o nyawa lo kanaga yoiseka, ona magena done o habari gena inasinako itiai ngoneka.

2 Korintus 7:10

Nako o sininga ma beleso kiaka pamomote o Gikimoi Awi edekati, gena ma ngale nanga dorou pomatoba de pomatoduba, so done aku ngone wonasisalamati. De o sininga ma beleso maro komagena gena upa he pomatoduba. Duma nako o sininga ma beleso kiaka kanaga o nyawa o Gikimoi wihoholuka, gena ma ngale lo ihiwa la nanga dorou pomatoba de pomatodubaka, so idadi ka cawali ngone dede o Gikimoi pomakitingaka.

Ibrani 10:34

O nyawa ma ngale o Yesus wipiricayaka so yabubui, ona magena lo ngini niasayangi de niariwo. De lo ma orasi nia arata o nyawa yakoora, de ngini ka ninali, sababu nianako ngini de nia arata kadaku o sorogaka ifoloi daloloha de ka sidutu ikakali.

Ibrani 5:9

De ma ngale to Una Awi sigogise, so Una gena wodadi wososalamati moi la kanaga Awi kurangi moi lo ihiwa, de lo wodadi o oho ka sidutu ikakali ma gola ma ngale o nyawa Una wisigogigise ona magena yangodu.

1 Korintus 10:14

So, ai dodiao tinidododara, bilasu o adati o bi seri yasusuba gena ngini nimasirese bai!

Rasul 20:21

Komagena lo bai o Yahudika ma nyawa bai lo o bi nyawa o Yahudika yasowo igogou ngohi tagegego bilasu ona manga dorou moi-moi yodongosa de o Jou Yesus Kristus iwipiricaya la wimote o Gikimoika.

Markus 16:16

La o nyawa nagoona yopiricayawa o Gikimoi Awi habari daloloha, done wafanggali de o dorou. Duma o nyawa nagoona yopiricaya o Gikimoi Awi habari daloloha de yaoosika, done o salamati yamake.

Ibrani 6:10

Sababu o Gikimoi o bi moi-moi dangodu igogou waaka itiai. Una asa wawosawa to ngini nia manara de lo nia dodara kiaka nisikokelelo Unaka, ma orasi idomaka sidago o orasi manena naga ngini nia dodiao o Jou Yesus wipipiricaya ona magena niariwo.

Galatia 5:6

Sababu nakoso ngone de o Yesus Kristus pomarimoika, de o nyawa moi una womasunaka eko hiwasi gena o Gikimoi he iwitailako kawa. Duma o Gikimoi asa watailako nakoso o nyawa la kanaga ma Kristus iwipiricayaka. De o nyawa nakoso manga sininga itotiai ma Kristus waakaka gena yopiricayaka, de ona magena aku o Gikimoi wileleani de o bobita o Gikimoino upa yamote, duma ka o nyawa yadodara.

Rasul 11:18

Komagena ona iise dabolo, de ona he ikalekono kawa, so gila-gila o Gikimoi wigilirika, de itemo, “Nakoso komagena, o Yahudika ma bi nyawa yasowo lo o Gikimoi wasimaha ona itoba de imatoduba la manga oho ikakali bai!”

2 Korintus 7:1

Ai dodiao tinidododara, o bi jaji moi-moi gena dangodu kanaga inadahe ngoneka. So ngone bilasu o bi moi-moi datotorou kanaga nanga siningaka de lo nanga gogoho datotorou gena dangodu pomasirese. Sababu o Gikimoi gena ngone powihoromati, so ngone bilasu pomasirese komagena la, maro Una witebi, komagena ngone lo done asa inatebi.

2 Korintus 12:19

Upa sidago nitemo gena maro komanena: ngomi mia demo moi-moi dangodu o surati manena ma rabaka ma ngale ngomi masirete miasinako itiai. Ai dodiao tinidododara, o bi moi-moi dangodu manena gena mitemo sababu ngomi de ma Kristus mimarimoika de o Gikimoi masirete lo kanaga ngomi wominanano. O bi moi-moi kiaka miaaakaka gena, ngomi miaaka la ma ngale to ngini nia piricaya magena asa misiputuru.

1 Petrus 2:11

Ai dodiao tinidododara, ngone popipiricaya gena o nyawa ipipiricayawa manga sidongirabaka pogogesi de lo o dunia manenaka maro o nyawa itatagino. So ngohi tinibaja de togolo nginika bilasu nia sininga ma dupa datotorou moi lo upa niaaka, sababu magena isiholu o kia naga nia sininga ma dupa asa niamake o Gikimoika.

2 Petrus 3:1

Ai dodiao tinidododara, manena ai surati ma sinotoka tinidelefo nginika. O surati ngai sinoto magena ngohi talefo nginika, la ma ngale tinisigaro la ngini asa de nia sininga ibobolowo o dodoto itotiai gena niososininga.

1 Yohanes 2:7

Ai dodiao tinidododara, o kia kanaga isuloka, ena gena bilasu nanga dodiao padodara so ngohi tinidelefo kali nginika, manena upa nitemo o hali damomuane moi. Duma manena maro o hali moi itetekaka, sababu manena maro o kia naga ngini niopiricaya idomaka, ena gena o habari daloloha niise daboloka.

Yudas 1:3

Ai dodiao tinidododara, ngohi manena ai edekati idomaka gena, tokaeli tinisingangasu nginika ma ngale o loha kiaka ngone inangodu pamake pomakangaho sababu o Gikimoi wonasisalamatika. Duma o orasi manena naga de ngohi tamalo kanaga ai sininga ma rabaka isigaro, bilasu ai ngale magena tatagali. Sababu kanaga o nyawa asa imapongo-pongo de iwosaka to ngini nia dolomu ma dongirabaka de o dodoto ikokulai gena yaaho la yodoto. Komagena so bilasu ngohi totemo de ai surati manena, la ngini nia sininga tosiputuru de ma ngale ngini lo aku o dodoto ikokulai yaaaho, ona magena niasiholu daputuru. Upa sidago o dodoto itotiai gena ona yatagali, o dodoto magegena kiaka o Gikimoi wonahihike ngone inangodu Awi nyawa masireteka de ngone lo popiricayaka. O nyawa o dodoto ikokulai yaaaho ona magena yowosa to ngone nanga dolomu ma dongirabaka, de itemo ona gena to ngone nanga dodiao ipipiricaya. Ngaroko komagena, ona magegena yodupa yaaka o bi moi-moi o Gikimoi wodudupawa, de itemo ma ngale Una wonadodaraka so ngone o bi nyafusu ma dorou gena aku paaka. To ona manga dodoto magegena foloi datotorou, sababu o dodoto ma ngale o Gikimoi Awi laha gena ona yabulutu de lo imanosu o Yesus Kristuska, Una womatengo nanga Jou Wokokuasa. So ma ngale ona magegena idomaka o Gikimoi wositatapu lo daboloka done to ona manga dorou bilasu wafanggali bai!