Ibrani 6:8 - O GIKIMOI AWI JAJI ma BUKU

⁸ Duma nakoso o tona magena de kanaga cawali o daara datototopo de lo o ngangaru, maena gena ma faida lo ihiwa. O tona magena he dangade o Gikimoi wakutuku, de ma dodoguka asa ka yatupu.

Ibrani 6:8 Referans Kwoze

Yohanes 15:6

De nakoso o nyawa la kanaga yomakitingaka dede Ngohi, de yogogewa o rimoi ma rabaka dede Ngohi, ona magena manga sopo ihiwa de ona magegena maro o uma yaotoka, de yaumo so asa damalai. O uma maro komagena yatolomu so o ukuka yaumo de yatupuka.

Ibrani 12:17

Komagena ngini nianakoka, ipasaka, de una ma babaka wogolo la o Gikimoi Awi laha gena una widogo, duma asa una wihike kawa. Ngaroko una wogolo gena woari womatotoore, duma una o ngeko wamake kawa ma ngale awi manara idodoma kiaka datotorou gena watagali.

Ibrani 10:27

Nako komagena, de igogou ngone asa pomodo podamaha ma orasi done o Gikimoi nanga loha de nanga dorou ma sopo wahiri gena, pomodo Awi sangisara ngoneka gena imatero maro o uku isora-sora sababu Awi sangisara ilalamo asa wabodito o nyawa ona magena o Gikimoi wihoholu.

Gogelelo 20:15

De lo nakoso o nyawa la to ona manga ronga kugena o oho ma buku ma rabaka ihiwa, de ona magena asa yaumo o uku ma talaga ma rabaku la yatupu.

Markus 11:21

La o Petrus womasininga o wange ipapasaka o hali magena asa idadika. So o Petrus wotemo o Yesuska, “Baba Guru, hika nanano. O ara ma hutu nosilalahi gena isoneka!”

Markus 11:14

So kagena de Una wabicara o ara ma hutu magenaka wotemo, “O orasi manena bato done o nyawa moi lo yaodo kawa to ngona ani sopo!” De Awi muri-muri lo yoise o kia wotetemo gena.

Matius 7:19

O bi gota la ma sopo datotorou gena igogou done asa yatoda de yaumo o uku isosora-sora ma rabaku. So komagena lo igogou o Gikimoi asa o bi nabi ikokulai gena wasangisara.

Matius 3:10

O orasi manena naga o Gikimoi wosidailako daboloka, la o nyawa nagoona imatoba de imatodubawa, ona magena asa wasisangisara de o narakaku waumo. Gena maro o bi basu kanaga isidailako de ihadoku o gota ma hutu ma golaka eko ma ngutuka, so o bi gota la ma sopo datotorou gena igogou done asa yatoda de yaumo o uku isosora-sora ma rabaku.

Dodadi 5:29

de una asa wisironga o Nuh wotemo, “Towisironga komagena sababu una manena done asa wonagalusiri to ngone nanga sangisara ma rabaka. Gena idomaka o Gikimoi o tona wosibobetoka so ngone pomanara bilasu datubuso de nanga galasahu ma giliho asa aku ngone paodo.” (Nako o bahasa Ibrani ma demo “Nuh” gena ma beto he imatero de o demo moi de ma ngale gena o galusiri.)

Dodadi 4:11

Naaka komagena so tonisilahi de tonisibobeto, sababu ani nongoru awi au o tona yaudoka so tonisisupu o tona manenano.

Matius 25:41

Dabolo de Ngohi asa tatemo o bi nyawa Ai gubalika, ‘Nitagi kasi, ngini gena Ai Baba winikukutuku. Niahika bato nia riho o uku ma sora ikokakali kagena ma rabaka, kiaka wosidodailako dabolo ma ngale o Ibliska de lo awi malaikat-malaikat wimomote.