Ibrani 6:5 - O GIKIMOI AWI JAJI ma BUKU

⁵ Ona yanakoka o Gikimoi Awi demo gena igogou daloha, de lo yamaloka o kuasa ilalamo, kiaka imatero de o kuasa done o orasi ma simaka asa iuuti.

Ibrani 6:5 Referans Kwoze

Lukas 8:13

O gisisi ma binuka itutura o tona datetetoka ioho duma damalaika, gena imatero bato o nyawa yoise o habari daloloha de yadehe de manga sininga isosanangi. Duma koloko ma ngutu ilukukuwa, so ona yopiricaya itekawa. So de ma ngale o habari daloloha so yasisangisara, de gila-gila ona ma Jou wipalako so imakiliho de ikafirika.

1 Petrus 2:3

Bilasu ngini foloi nidupa la o Gikimoi Awi demo niosigise komagena, sababu ngini masirete nianakoka o Jou Una magena Awi sininga igogou daloha.

2 Petrus 2:20

Komagena ngaroko ona idodomaka nanga Jou Yesus Kristus igogou iwinakoka so o dunia ma bi nyawa manga dorouno Una wapalakoka, duma ona magegena o dorou gena he yapiliku kali sidago lo o dorou magena ka yaparetasi. Komagena so ma ngale ona magena o dorou yapopiliku, kodo, ma duuruka gena kanaga foloisi datubuso onaka dede idodomaka, ma orasi ona nanga Jou Yesus Kristus iwipiricaya waasi.

Ibrani 2:5

Nakoso posiade-ade o dunia manena kiaka done damomuane o orasi ma simaka, ma ngale yapopareta gena o Gikimoi Awi kuasa wahike o bi malaikat gena yasowo.

Markus 6:20

Ma Kolano Herodes wosulo o buika o Yohanes iwijaga iwisidodiahi, sababu iwinako o Yohanes una magena awi sininga iloa de ibanari, de lo una magena o Gikimoi Awi sosulo so wisubaka. De o Herodes lo o Yohanes awi bicara gena wodupa woise, ngaroko wisigamamuka.

Efesus 6:17

De ngini bilasu niongongano daputuru gena igogou o Gikimoi winisalamatika, magena maro nia sarau besi nia saheku nisitotalake. De o Gikimoi Awi demo gena lo bilasu niacoho, maro nia sumarangi moi Awi Gurumi winihihikeka.

Ibrani 4:12

Sababu o Gikimoi Awi demo gena o demo foloisi ilalamo sababu ioho ka sidutu ikakali de lo ikokuasa. O demo magena ifoloi dadoto de o sumarangi ma doto sinotoka, sababu o demo magena aku isuru sidago o nyawa manga jiwa de manga gurumi ma batika, maro kanaga o sumarangi moi lo aku isuru de isioto ma bati o kobo de lo ma nihaka. O demo magegena aku o bi nyawa moi-moi o bi moi-moi manga sininga ma rabaka isipelenga de yatailako.

Ibrani 11:3

Komagena lo ngone, ma ngale nanga piricaya, so panako o dipa de o dunia gena o Gikimoi de Awi demo so wosidadika. So de o kia naga pakokelelo waasi magena wosidadi so o bi moi-moi dangodu magena pakeleloka.

1 Petrus 1:25

Duma o Jou Awi demo gena itiai de ikokakali.” O kia naga o Jou wodedemo magena o habari daloloha ma ngale o oho ka sidutu ikakali aku pamake, maro kiaka inisihohabari nginika.