Ibrani 6:4 - O GIKIMOI AWI JAJI ma BUKU

⁴ Nimasosininga, o nyawa la kanaga manga piricaya yodupa yododongosaka, ka idadiwa ona magena yariwo la imakiliho manga dorou gena imatoba de imatoduba kali. Sababu ma moi daboloka o Gikimoi Awi nita ma rabaka ona yooho, de Awi laha gena yamakeka, de lo ona magenaku o Gurumi Datetebi wowosaka.

Ibrani 6:4 Referans Kwoze

Matius 5:13

“Ngini manena, nakoso nia gogoho foloisi daloha de itiai gena, asa de ma faida o dunia ma bi nyawaka. Maro o gasi kanaga nidogo nia inoku la o nyawa yodupa yaodo. Nakoso ngini nia gogoho datorou, magena imatero de o gasi damiri kawa so dahaoka, de niaaka niadodoohasi la aku damiri kali. Ma faida gena ihiwaka, so bilasu ka niaumo de o nyawa isidodipitoku.

Yohanes 15:6

De nakoso o nyawa la kanaga yomakitingaka dede Ngohi, de yogogewa o rimoi ma rabaka dede Ngohi, ona magena manga sopo ihiwa de ona magegena maro o uma yaotoka, de yaumo so asa damalai. O uma maro komagena yatolomu so o ukuka yaumo de yatupuka.

Efesus 2:8

Igogou, nakoso ngone kanaga o Jou Yesus powipiricaya, de ka ma ngale o Gikimoi Awi laha so asa ngone nanga dorouno wonasisalamatika. Magena nanga manara ma sopo dasowo, duma ka cawali ma ngale o Gikimoi Awi laha so wonasitodihike ngoneka la wonasisalamati.

Yohanes 3:27

Kagena de o Yohanes wosango wotemo onaka, “Magena dadoohawa. O nyawa ngone gena nakoso o kia naga ngone kanaga pamake magena, ka cawali o Gikimoi wonahike. So ma ngale magegena gena ngohi itoosawa.

Ibrani 10:32

Niososininga, ma orasi ipapasaka de o nita o Jouno ngini niamakeka, de o sangisara de lo o susa lo gena he idala niamake, duma magena ka niamoku de ma Kristuska nipiricaya daputuru.

Matius 12:45

Kagena de maena itagili, de o toka tumudingili kiaka ifoloi datotorou gena maena yaaso, la yahino o nyawa iwititinga una magenaku iwosa, de kagena ona igoge. Ma duuruka o nyawa una magena ifoloi witorou de ma nonomaka. So o bi nyawa o orasi manena to ona manga dorou gena idadi de imaaka maro komagena. Ona manga bodito asa foloisi ilamo, sababu iholu Ngohi idehe daloha.”

Galatia 3:2

So komagena ngohi todupa ngini niosininga o Gurumi Datetebi niamake gena, upa nitemo ma sababu o Yahudika manga bobita o Gikimoino niamote ma ngale niaaka nia sininga itotiai, duma ma sababu ngini asa o habari daloloha niiseka de ma Kristus niwipiricayaka.

2 Timotius 2:25

Komagena de awi sininga damuudu bilasu o bi nyawa wilalawangi gena manga sala wosidiahi. La ma ngale tanu o Gikimoi wariwo so done ona magena manga sininga ma rabaka imakiliho o dodoto itotiai yamote.

1 Yohanes 5:16

O nyawa nagoona la to ona manga dodiao yopipiricayaka, nakoso kanaga o dorou moi yaaka de ma dodiao manga manara datotorou yakokelelo gena, bilasu ona magena o Gikimoika wisigolo, so o Gikimoi asa manga dodiao ona magenaka wasisala kawa. Ma ngale so o dorou moi-moi dangodu gena datubuso, duma kanaga o dorou para moili nakoso paaka de magena igogou Una wonasisala ngoneka. Nakoso kanaga o bi nyawa la o dorou magegena de yaakaka, so bilasu ona magena dede Una imakitingaka, de upa sidago ma ngale ona magegena de bilasu ngini Unaka nigolo. Maro komagena ngohi gena tinisulowa.

Ibrani 2:4

De o Gikimoi masirete o demo ona isingongangasuka gena wosiputuru, sababu waaka o nonako moi-moi ihahairani la Awi kuasa wosikelelo, de lo mote to Una Awi dupa masirete o Gurumi Datetebi o cocatu moi-moi magena wositoku onaka.

1 Timotius 4:14

Ma orasi ipapasaka, o nyawa ipipiricaya manga bobareta lo manga gia yahado dabolo ngonaku la inisikelelo ngonaka ma ngale o Gikimoi Awi manara naaka, maro o bi nabi lo isingangasu dabolo ngonaka. So magena upa nomarihika, duma o Gikimoi Awi Gurumi ma buturu wonihike dabolo ngonaka, so ngona bilasu Awi manara naaka nokaeli.

Rasul 11:17

So ngohi tosininga itiai de igogou, o Gikimoi wahike onaka o cocatu imaketero de wonahike ngoneka ma orasi o Jou Yesus Kristus powipiricaya. So maro ngohi manena de o Gikimoi aku towifati, la Una upa wahike Awi Gurumi Datetebi, sababu ona o Yahudika ma nyawa yasowo?”

Efesus 4:7

Ngaroko ngone nanga moi-moi gena ka imaketero, duma o bi cocatu moi-moi ma Kristus ngone wonahihike gena kanaga imaterowa. Ngone moi-moi o cocatu pamake la ma ngale Awi manara paaka, de o cocatu ilalamo magena inasikelelo igogou to Una Awi sininga gena daloha.

Efesus 3:7

Ngohi ai manara o habari daloloha tosihohabari gena o cocatu moi foloi ilamo, sababu o Gikimoi Awi laha so asa ngohi woitide la todadi to Una Awi nyawa womomanara moi. So Una de Awi kuasa lo asa ngohi woisiputuru la magena aku taaka.

Rasul 10:45

So o Yahudika ma nyawa ipipiricaya o Yopeno o Petrus wimomote, ona yangodu yohairani icarawa, sababu igogou o Gikimoi Awi Gurumi Datetebi lo wahike ngaroko ona o Yahudika ma nyawa yasowo.

Rasul 8:20

Duma o Petrus wongamo so wosango wotemo, “Ce! De ani pipi magena ngona o narakaka nisingosa! Notemo nagala o Gikimoi Awi cocatu o Gurumi Datetebi gena aku nosifangu de o pipi.

Yohanes 6:32

De kagena de o Yesus wosibicara onaka wotemo, “Awalele! O roti magena o sorogano so upa nitemo o Musano, duma magena igogou o Gikimoi idodomaka o Musaka wihike o roti itotiai o sorogano, Una magena wotemo asa winihike nginika.

Galatia 3:5

Mutuwade hika nisihodaka la upa sababu o Yahudika manga bobita o Gikimoino niamote, duma ngini o Gikimoi Awi habari daloloha gena niiseka de lo ma Kristus niwipiricayaka, so o Gikimoi Awi Gurumi asa wodupa winihike nginika de lo nia sidongirabaka o Gikimoi Awi nonako ihahairani waakaka.

Rasul 15:8

De o Gikimoi asa wanako o nyawa yangodu manga sininga moi-moi, de Awi Gurumi Datetebi wahike o nyawa o Yahudika yasowo imatero maro wonahike ngone o Yahudika, de komagena wonasingangasu ngoneka ona lo wadupa.

Yohanes 4:10

Duma Una asa wotemo munaka, “Nakoso ngona gena nanako o kia naga o Gikimoi Awi ngongike o nyawaka, de lo nakoso ngona Ngohi noinakoka o ake togogolo Ngohi manena gena naguuna, ngona lo asa o ake nogolo kali Ngohino, kekiaka de o ake magena o nyawa aku o oho ma duhutu yamake.”

2 Timotius 4:14

Kanaga o nyawa moi una o bi moi-moi o tabagano waaaka de awi ronga o Aleksander, una magena ma para ma dala woiaka o dorou ngohika, so o Jou done asa una wisisangisara ma ngale o dorou woiaka ngohika.

Roma 1:11

Ai gogolo komagena sababu ngohi tinisininga foloi, so todupa tanu ngini de ngohi pomakamake kali la aku o Gikimoi Awi Gurumi ma buturu tinihike, ma ngale o Jou Yesus niwipiricaya foloisi daputuru.

2 Korintus 4:4

Ona gena yopiricayawa, sababu o Iblis o dunia manena wapopareta gena manga sininga wosigamamu, de lo wosipilo la o habari daloloha ma nita magena asa yakelelowa. So ona yanakowa ma Kristus wokokuasa, kiaka wisitetero de o Gikimoi.

2 Korintus 4:6

Ma orasi idodomaka o Gikimoi o dunia gena wosidadika, de wotemo, “He! Nita o bubutu ma rabano nodadi.” De o Gikimoi Una magegena lo o nita, so wodisiwa to ngone nanga sininga ma rabaka la aku panako de lo pakelelo o Gikimoi Awi kuasa gena igogou ilamo, kiaka kanaga o Yesus Kristuska de pakokelelo, maro idodomaka de o Yahudika ma nyawa o Gikimoi Awi nita ma siwa yakelelo gena o Musa awi bioka.

Efesus 1:18

Ngohi lo togolo tanu wosikelelo nia sininga ma rabaka la aku nianako itiai, ma orasi ka idodomasi ngini winihirika, de o kia naga aku niongongano. Ena gena, o bi loha moi-moi wojajaji so niongonganoka gena asa idadi foloisi ilamo Awi nyawaka.