Ibrani 4:8 - O GIKIMOI AWI JAJI ma BUKU

⁸ Idodomaka, de o Yosua una magena nanga ete de nanga topora gena wangaho la yowosa o Kanaan ma tonaka, kiaka o Gikimoi wajajajika. Duma posidodoguwa maro igogou ona gena yowosa de kagena yogoge dede o Gikimoi, sababu ipasaka de Una done wotemo kanaga o dongoho moili kiaka aku yogoge dede Una.

Ibrani 4:8 Referans Kwoze

Rasul 7:45

De lo o dadaru magena yaaho nonena, ma orasi ona de o Yosua o bi doku manena yadeheka, o bi bangsa o Gikimoi wadudusu manga simano. O dadaru magena ka igogesi sidago ma orasi o Daud wokolano.

Ibrani 1:1

Idodoma-domaka, kanaga he ma para ma dalaka de o bi ngeko lo ma bio idala o Gikimoi Awi demo asa wosingangasu gena o bi nabika, so ona magena lo aku yasingangasuli to ngone nanga ete de nanga topora idodomaka.

Ibrani 4:9

So de maenasi o dongoho la ngone o Gikimoi Awi nyawa gena aku powosa la pogoge dede Una, maro idomaka de Una o wange ma tumudingika womanara kawa de womawoma.