Ibrani 3:7 - O GIKIMOI AWI JAJI ma BUKU

⁷ So hika ngini nimasosininga o sidapano ma demo o Gurumi Datetebi wodedemo, kiaka idomaka isilelefo o Gikimoi Awi Jaji ma Buku ma rabaka itemo, “Nakoso o wange manena ngini o Gikimoi Awi ili niise gena,

Ibrani 3:7 Referans Kwoze

Ibrani 3:15

Komagena o demo magena ma edekati, kiaka o ayati idomaka pababaca itemo, “Nakoso o wange manena ngini o Gikimoi Awi ili niise gena, upa nia sininga niatogoi, maro nia ete de nia topora idodomaka so ona Ngohi iholu.”

Gogelelo 3:20

He! Nikelelo. Ngohi manena kanaga o ngora ma simaka tomaokoye de tiniaso ngini. Ngohi tinidamaha la nakoso kanaga o nyawa o tahu ma rabaka Ai ili yoise de manga ngora yapelenga, de Ngohi isimaha towosa la tomatamiye de ngomi asa miodo de miudo.

Ibrani 4:7

So komagena o dongoho moili o Gikimoi asa wositatapu, la o nyawa aku yogoge dede Una. De o dongoho magena, eko o orasi manena, de o wange kia to Una Awi ili gena poiise. Sababu ma nabi Musa de o taungu o ratu muruo naga ipapasaka, de ma Kolano Daud o demo wolefo, kiaka o ayati idomaka yaeetoka itemo, “Nakoso o wange manena ngini o Gikimoi Awi ili niise gena, upa nia sininga niatogoi.”

Yohanes 10:27

Nakoso moi-moi to Ngohi Ai duba masirete, ona magena igogou Ngohi tanako de ona lo Ai ili isigise so Ngohi imote.

Ibrani 3:13

Duma ngini manena, nia orasi ma deka kanaga de maenasi, so ngini o wange isigeto-geto bilasu ka nimatekesiduduga moi de moika. Upa sidago o dorou inikulaika so ngini nia sininga idadi datogoi.

Matius 17:5

O Petrus ka wobicarasi, de imatodoka o lobi-lobi isisiru o bolu moi iuti so yasaoka, de o lobi-lobi ma rabano o ili moi iise itemo, “Una manena to Ngohi Ai Ngopa towidododara. Una Ai sininga yadahe de ka Unaka bilasu niwisigise!”

Yohanes 10:3

De ma ngale una magenaka o ngora wojojajaga done asa o ngora wibelenga, de lo una awi ili gena asa o bi duba ka yanako de wisigise. Una awi duba waaso moi-moi de ma rongaka gena wabicara, de ona wisigise so yahino de lo mamoi-mamoi una asa watuda wosisupu ma kurungano.

Yohanes 5:25

Igogou-gogou iteka kawa, de ma orasi asa imasidiado, ena gena o nyawa isosoneka ona yangodu asa Ngohi o Gikimoi ma Ngopa Ai ili yoise. De nakoso Ngohi isigise gena, ona asa yamake o oho ka sidutu ikakali.

Yohanes 10:16

De kanaga de maenasi to Ngohi Ai duba-duba ma binuka, kekiaka o bolu manena ma rabaka iwosa waasi. De ona lo bilasu Ngohi taaso la ma ngale to Ngohi Ai ili masirete gena ona asa isigise. So Ai duba Ngohi imomote gena, dangodu idadi o bolu moi de manga jojaga, Ngohi tomatengo gena, o sowohi ka ka moi.

2 Petrus 1:21

Sababu o Gikimoi Awi nabi idodoma o demo isingongangasu magena upa o nyawa manga dupa masirete, duma ka Una Awi Gurumi Datetebi ma dupa so yodedemo.

Ibrani 9:8

De o bi bobita komagena o Gurumi Datetebi ngone wonadoto, nakoso o ngihi ma nonoma de maenasi, gena ma ngale o ngeko moi ihiwasi la o nyawa aku o ngihi ma sinotoka, ena gena o Ngihi Foloi Datetebika, kagena aku yowosa ma ngale o Gikimoi iwidate.

Matius 22:43

Una wotemo, “Nako komagena, de o kiaso o Daud masirete lo de o Gurumi Datetebi ma kuasa sidago wipeto Unaka ‘Ai Jou’. Sababu o Daud wotemo,

Rasul 28:25

So kagena ona imatekesikoholu de imasidailako, so tanu imajobo iliho, de o Paulus wasitemo o Yahudi manga roririka magena de o demo moi, gena komanena, “Igogou de itemo ma ngale ngini manenaka, kiaka o Gurumi Datetebi ma nabi Yesaya iwisingangasu ma ngale nia ete de nia topora idodomaka, gena komanena,

Markus 12:36

Salanta o Daud masirete lo de o Gurumi Datetebi ma kuasa sidago wiaso Una ma Jou, wotemo komanena, ‘O Jou Gikimoi wotemo ai Jouka: Nomatamiye to Ngohi Ai girinaka la Ai horomati namake sidago Ani saturu taaka la yahino inisuba Ngonaka.’ So nakoso igogou o Daud wiaso Una awi Jou, done imaaka idodooha so ona itemo, o Salamati ma Kolano Awi aheli ma sihino o Daudno.” O nyawa yadala kagena de ona magena yodupa yoise o Yesus wodoto.

Rasul 1:16

“Ai dodiao nipipiricaya ningodu! O kia isilelefo idomaka o Gikimoi Awi Jaji ma Buku ma rabaka, ena gena kiaka o Gurumi Datetebi wosingangasu o Daudka, ma ngale o Yudas gena womadadika o bi nyawa o Yesus witatago manga roriri la wangaho, magena bilasu idadi.

Rasul 8:29

So kagena de o Gurumi Datetebi wotemo o Filipuska, “Nahika awi padati ma dateka, de notagi nowimote-mote.”

Ibrani 10:15

De o dodoto manena gena o Gurumi Datetebi lo wosiputuru. O Gikimoi Awi Jaji ma Buku ma rabaka itemo o Jou wotemo komanena,