Ibrani 3:10 - O GIKIMOI AWI JAJI ma BUKU

¹⁰ Komagena so ma ngale ona magena Ngohi totemo, ‘Ilaha! To Ngohi Ai dupa gena ona yamotewa, de yoholu Ai ngeko gena yamote.’

Ibrani 3:10 Referans Kwoze

Efesus 4:30

De o Gurumi Datetebi gena ngini upa niwisipeleso. Niososininga! O Gikimoi Awi Gurumi asa winihike la idadi o nonako moi igogou ngini gena nidadi to Una Awi nyawa, sidago ma orasi done asa yaado de to ngini nia dorouno aku winipalako.

Ibrani 3:12

Ai dodiao nipipiricaya, hika nimasidodiahi. Upa sidago ngini moi lo de nia sininga ma dorou so nipiricaya kawa komagena, sidago o Gikimoi wooohoka gena niwidongosa.

Yohanes 8:45

Duma Ngohi Ai demo gena itotiai. De komagena so igogou, Ai demo gena ngini asa niaholu so Ngohi lo niholu nipiricaya.

Markus 3:5

Ma ngale manga sininga datogoi gena Una Awi sininga isusa. So kagena de Una womaginano ona de Awi doosaka, de wotemo o nyawa awi gia ma sononga isosoneka gena, “Ani gia natoano.” De una awi gia watoa, de o orasi magena dabolo awi gia gena dalohaka.

Roma 3:7

Nagala o nyawa kanaga itemoli, “De nakoso ngohi itodamatoko, de ai gogoho maro komagena aku isikelelo idodooha o dodoto ma ngale o Gikimoi gena itotiai sidago lo o nyawa Una wisimulia. Mutuwade Una magena bilasu ngohi woisisala kawa de woifanggali kawa de o dorou.”

Dodadi 6:6

So Una Awi sininga ma rabaka wotemo, “Ma ngale ma nonomaka o nyawa tasidadi gena asa tosanangi kawa sidago Ai sininga ma susa maro o diha Ai kusi-kusi yaogu.

Roma 1:28

De lo sababu o nyawa ona magena iholu o Gikimoi iwinako itiai, so Una wadohaka la manga sininga datotorou yamote, sidago lo o bi moi-moi o kia Una wosibobitaka upa yaaka gena, ona asa ka yaaka.

Matius 20:24

Ma orasi Awi muri yamogiowo yoise ma dodiao yasinoto magena manga gogolo komagena, de ona yatoosa so yangamo onaka.