Ibrani 2:18 - O GIKIMOI AWI JAJI ma BUKU

¹⁸ Komagena la kanaga o nyawa yababaja gena Una aku wariwo, sababu Una masirete lo wibaja idomaka ma orasi Una wisangisara.

Ibrani 2:18 Referans Kwoze

1 Korintus 10:13

O babaja moi-moi inidahe nginika gena, dangodu ka imaketero de o kia naga yadadahe o dunia ma nyawa yangoduka. Duma o Gikimoi Una gena aku ngini igogou niwipiricaya, sababu Una asa wosimahawa la ngini inibaja ifoloi de nia piricaya ma buturu, so aku niamoku. So ma orasi kanaga o bi babaja ngini inidahe, de Una magena asa o ngeko moi waaka la o babaja magena aku niamoku daputuru de lo ma rabano aku nisupu.

Yudas 1:24

O Gikimoi Una gena de Awi kuasa aku ngini winijaga winisidodiahi la upa sidago nitura de niwipiricaya kawa. La ma orasi ngini winingoso kagena to Una Awi simaka, de Awi nita ma rabaka gena o nyawa moi lo yaakuwa ngini inikalaki so nia nali foloisi ilamo.

Ibrani 5:2

Una gena asa de awi sininga damuudu o nyawaka kiaka o ngeko itotiai gena yananakowa, sababu una masirete lo ka o nyawa moi de awi buturu moi-moi gena ma kurangi ka idala.

Gogelelo 3:10

Ai dodoto nginika gena, ngaroko o sangisara ma rabaka, duma niopiricaya daputuru. So ma orasi he iteka kawa o nyawa yangodu yabaja, de o Gikimoi asa watailako de wafanggali o nyawa wihoholu o dunia ma bi dokuka gena, Ngohi manena dabolo asa ngini tinijaga de tinisiputuru. Upa sidago Ai lawangi nibaja de ngini lo Ngohi he nipiricaya kawa.

2 Petrus 2:9

Sababu o Jou waaka komagena, so ngini aku nianako igogou-gogou Una gena ka waaku nakoso o nyawa yodupa yaaka o bi moi-moi maro Una wodudupa gena, o sangisara ma rabaka lo wasisupu, de nakoso o nyawa yodupawa yaaka o bi moi-moi maro Una wodudupa gena, wabui ma ngale yodamaha ma wange yaado done manga dorou ma sopo wafanggali de o dorou.

2 Timotius 1:12

so ngaroko ngohi o bui ma rabaka isangisara, duma ngohi imadewa. Sababu igogou ngohi o Yesus Kristus towipiricaya de towingaku igogou Una aku wadiahi o habari daloloha kiaka Una woihihike ngohika la tosihabari sidago ma orasi Una wahino kali.

Yohanes 10:29

Sababu kanaga Una lo, ona magena woihike Ngohika, Ai Baba Una magegena Awi buturu foloisi ilamo, so o nyawa nagoona bato ona magena yaakuwa Ai Baba wikoora.

Lukas 22:53

O wange isigeto-geto Ngohi todoto o Gikimoi Awi Tahuka de to ngini nia simaka, de dadoohaso Ngohi nitagowa. Duma o orasi manena idadi nginika de o bubutu ma kuasa so o dorou niaaka.”

Filipi 3:21

De Una lo o orasi magena done to ngone nanga rohe o duniaka asa watagali la idadi de imatero maro to Una Awi rohe o sorogaka gena ifoloi daloloha. Sababu Una de Awi kuasa o bi moi-moi dangodu aku wapareta.

Lukas 22:28

Ngini manena, to Ngohi Ai susa dangodu ma rabaka ngini salalu dede Ngohi.