Ibrani 2:16 - O GIKIMOI AWI JAJI ma BUKU

¹⁶ O Jou Yesus wodadi maro o nyawa moi o duniaka, sababu Una wososininga ona magena o bi malaikat yasowo, duma ka o Abraham awi ngopa de awi danoku.

Ibrani 2:16 Referans Kwoze

Galatia 3:29

De sababu ngini ma Kristus niwipiricayaka, so o Gikimoi wotemo ngini maro o Abraham awi ngopa de awi danoku, so o Gikimoi Awi jaji dangodu o Abrahamka gena aku niamake.

Galatia 3:16

So komagena lo ma orasi o Gikimoi wojaji o Abrahamka, de wosingangasu done asa o bi moi-moi idala wahike unaka de lo Una o Abraham awi ngopa de awi dano moiku. Duma ma ngale ona yadala o Gikimoi wotemowa, cawali wotemo, “ani ngopa de ani dano moiku,” gena ka ma ngale o nyawa womatetengo Una magegena ma Kristus.

Dodadi 22:18

Sababu ngona noisigise Ngohika, so ma ngale ngona, de ani ngopa, de lo ani danoku so o bi bangsa dangodu o duniaka done asa Ai laha yamake.’ ”

Ibrani 12:10

Sababu ngone nanga baba o duniaka ona magena inadoto ka o orasi ma cunu, mote ka o ngeko o kia naga ona yamalo daloha. Duma o Gikimoi Una magena ngone wonadoto, sababu magena o ngeko foloisi daloha ngoneka, ma ngale ngone nanga sininga idadi datebi imatero maro to Una Awi sininga.

Ibrani 6:16

Nakoso ngone o nyawa kanaga posasi, de ngone gena posasi de o ronga moi kiaka ifoloi ikukuruye de ngone masirete, ma ngale nanga demo gena isiputuru de o nyawa yoholu kawa.

Roma 2:25

Ai edekati gena komanena: Ma ngale ngini o Yahudika ma nyawa o Gikimoi Awi nyawa masirete so ngini gena nimasunaka. De magena ma faida ilamo nakoso Una Awi bobita gena niaaka. Ngaroko komagena, duma nakoso ngini o bobita gena niaakawa, de ngini gena asa nidadi maro Una Awi nyawa dasowo so imatero maro o nyawa imasuna waasi.

1 Petrus 1:20

Ma orasi o Gikimoi o dunia wosidadi waasi, de wositatapu idomaka ma ngale nia dorou ma ija gena, ma Kristus bilasu wosone done asa komagena. Duma manena he yadangade orasi ma dodoguka de Una igogou o duniaka wahinoka ma ngale to ngini nia dagali moi.

Ibrani 2:15

De Una lo wosone la ma ngale o nyawa o sone ma rabano wapalako. Sababu idomaka ma ngale ona o sone yomodo, so manga oho o duniaka gena, dangodu ma rabaka ona maro ka o bi gilalo.

Ibrani 2:17

So Una bilasu womadadi maro ona magena, la imatero dede to Una Awi tahu ma raba moi, la Una lo asa aku wodadi o Imam Wilalamo la kanaga de Awi galusiri de lo o Gikimoi Awi manara gena waaka wokaeli. Sidago Una masirete iwitooma ma ngale o nyawa manga dorou dangodu gena watupu.