Ibrani 2:13 - O GIKIMOI AWI JAJI ma BUKU

¹³ De lo o Yesus wotemo, “Ngohi Ai ngongano gena ka cawali o Gikimoika.” De moili wotemo, “Ngohi kanena naga, dede o bi ngopa-ngopa lo kiaka o Gikimoi ona magena woihihike Ngohika.”

Ibrani 2:13 Referans Kwoze

1 Korintus 4:15

Sababu ngini gena ngaroko kanaga nia guru de ma cala-cala la inidoto ma Kristus niwimote, duma ka cawali ngohi tomatengo todadi maro to ngini nia baba. Gena ma orasi ngohi todomaka, o habari daloloha tinisihabari so ngini o Yesus Kristus niwipiricayaka. Komagena so ngohi tinidododara ngini maro ai ngopa-ngopa masirete.

Yohanes 10:29

Sababu kanaga Una lo, ona magena woihike Ngohika, Ai Baba Una magegena Awi buturu foloisi ilamo, so o nyawa nagoona bato ona magena yaakuwa Ai Baba wikoora.

Dodadi 33:5

Dabolo de ma ria womaginano de wakelelo o bi ngopedeka de manga ngopa-ngopa magena de wosano, “Ona manena nagoona so ngona nimote-mote.” De o Yakub wosango wotemo, “To ngohi ai ngopa-ngopa kiaka o Gikimoi Awi laha so woihike ani nongoru ngohi manenaka.”

Matius 27:43

Una wopiricaya o Gikimoika de womaeto Una o Gikimoi ma Ngopa, so hino la pakelelo idodooha o orasi manena o Gikimoi gena wodupa Una wisisalamati.”