Ibrani 13:4 - O GIKIMOI AWI JAJI ma BUKU

⁴ O kawi ma adati gena ngini ningodu bilasu nisigise. Upa niatilaku, sababu o nyawa la kanaga o nyafusu ma dorou yaaka eko yosundali, ona magena o Gikimoi asa wafanggali de o dorou.

Ibrani 13:4 Referans Kwoze

Dodadi 2:24

Idodoma idadika komagena, so ipasaka de o nyawa yanau bilasu ma baba de ma awa wadongosa la una de awi pedekaka, so ona asa idadi ka ka moi.

Galatia 5:19

Ngone o nyawa kanaga gena nanga sininga ma rabaka o dorou ma dupa, so o nyawa gena yaakaka so aku ngini gena nianako ma diai. O bi nyawa kanaga manga siningaka o dorou komagena, so ona isundali de o nyafusu ma dorou yaaka, de o moi-moi datotorou yodupa sidago lo manga rohe maro ka o haiwani so o made gena yodupa yaaka,

Galatia 5:21

de imatekeduhudu de o nyawa yatooma, de yatobadalu sidago lo yodupa irarame, de lo o dorou moi-moi maro komagena de ma binukasi. Maro idomaka, so ngohi o orasi manena lo tinisingangasu nginika la nakoso o nyawa o dorou maro komagena yodupa yaaka, de ona magena upa he o Gikimoi Awi paretaka iwosa.

1 Korintus 6:9

Hika ngini niosininga igogou-gogou o nyawa o dorou yodupa yaaaka, ona magena done upa he iwosa o Gikimoi Awi paretaka. Upa sidago ngini nifuma so niamote o ngeko isasalaka. Yaakuwa o nyawa ma dorou de iwosa o Gikimoi Awi paretaka. O nyawa ona magena koloko o nyafusu ma dorou yaaka, de o serika yasuba, de yosundali, de yosusundali de manga rohe imasiiija de lo una awi dorou moi gena imasikiidu de awi dodiao yanau moi.

Efesus 5:5

Igogou-gogou, o nyawa la kanaga isundali eko o bi moi-moi datotorou yodupa, de ona magena yaakuwa ma Kristus de o Gikimoi Manga pareta ma rabaka o bi laha o Gikimoi wajajajika moi lo yamake. Komagena lo o nyawa la kanaga o arata yodesere, ngone aku potemo yosuba ka cawali o kia naga yodudupa.

1 Timotius 3:12

De o bi nyawa ileleleani ona magena bilasu manga pedeka ka imatengo de upa o ngopedeka ma somoa yadupali, de lo bilasu manga ngopa-ngopa de manga tahu ma raba yaaturu daloha.

1 Timotius 3:4

De lo maro o baba moi awi dailako daloha awi tahu ma rabaka, komagena bilasu awi ngopa-ngopa wadoto la ona wisigise de wihoromati manga baba.

1 Korintus 7:38

So una la kanaga o jojaru moi womasipedekaka, de igogou o loha moi waaka. Duma una moili la kanaga wokawiwa, sababu o orasi manena naga o sangisara kanaga idala, so una magena asa waaka foloisi daloha.

Dodadi 2:21

So o Jou Gikimoi o nyawa una magena wisikiolo witotiwotuka. De awi meseso ma kobo moi wadehe. Wadehe dabolo de ma nabo magena wosiloha kali.

Gogelelo 22:15

Duma kagena o kota ma duduka kanaga igoge o nyawa yangodu la de manga manara datotorou, komagena ona yototooma, o nyafusu ma dorou yaaaka, igogomahate, o kia naga manga gia isiaaka de kagena yasusuba de lo yatotodamatoko.

Titus 1:6

So nakoso o nyawa ipipiricaya o bolu moika manga bobareta nahiri, bilasu komanena: Nakoso o nyawa moi la wodadi o nyawa ipipiricaya manga bobaretaka gena, o nyawa una manena ma moi waasi o nyawa iwikalaki. Komagena una bilasu ma pedeka ka momatengo de upa o ngopedeka ma somoa wadupali, de awi ngopa-ngopa yangodu bilasu iwisigise daloha de o nyawa ma somoa lo yanako awi ngopa manga oho ma rabaka yodupawa o dorou yaaka.

1 Timotius 5:14

So ngohi todupa ibabalo de yapereki waasi tanu ikawi kali, so manga orasi yaumo kawa de o ngopa yamake de manga tahu ma raba gena bilasu ona masirete yaaturu. La ma ngale o sababu moi upa lo yaaka so ngone o nyawa popipiricayaka kanaga nanga lawangi gena nanga ronga ma dorou upa lo yogaka.

1 Timotius 4:3

So komagena ona manga dodotoka itemo o nyawa upa he ikawi, de ona yasulo o ino ma binuka upa yaodo. Duma o bi dodoto magena isala, sababu o bi ino dangodu gena o Gikimoi wosidadi ma ngale o nyawa nagoona ma Kristus iwipipiricaya de o dodoto itotiai yamomote. La bilasu o ino magena yaodo de manga sukuru yatide ka o Gikimoika.

2 Korintus 5:10

Sababu done ngone inangodu asa inangoso inasirisima ma Kristuska ma ngale nanga loha de nanga dorou gena Una wahiri. Wahiri daboloka, de ngone moi-moi nanga manara o dunia manenaka kanaga nanga loha de nanga dorou ma sopo asa wafanggali de o loha eko o dorou.

1 Korintus 9:5

Ka daloha de itiai nakoso ngomi mikawi so mia pedeka mopipiricaya muna magena lo mia dodagi ma rabaka mimingaho, imatero maro o bi sosulo ma binuka, de o Jou Yesus Awi nongoru masirete, de lo o Petrus.

1 Timotius 3:2

So o bobareta moi bilasu awi moi-moi waaaka ma rabaka gena o nyawa lo yaakuwa iwikalaki. Komagena una bilasu ma pedeka ka momatengo de upa o ngopedeka ma somoa wadupali, de awi sininga de awi rohe ma nyafusu gena wapareta daloha, de awi sininga wapareta itiai so o nyawa aku iwihoromati, de wodupa waaso o nyawa ma somoa imasidodogu awi tahuka de lo una aku o nyawa wadoto itiai.

Ibrani 12:16

De lo nimasidodiahi la upa sidago nginino kanaga o nyawa moi lo o nyafusu ma dorou nidupa niaaka. De upa sidago lo niaaka maro o Esau idodomaka, sababu o Gikimoi Awi laha unaka he wafaduliwa, so awi ria ma haku o Gikimoi Awi laha wamake gena wositagali de ma nongoru awi ino o kupuo.

1 Korintus 6:18

So bilasu o nyafusu ma dorouno nimasirese bai! Sababu o dorou maro komagena igogou asa nanga rohe isirugi ifoloi de o bi dorou ma binuka, sidago lo nanga rohe de ma Kristus ma rimoi gena ibiauka.

1 Tesalonika 4:6

Sababu nakoso o nyawa la ona masirete o nyafusu ma dorou yaaka manga dodiao ma pedekaka, de ona masirete o sala yagaka de lo yakulai manga dodiaoka. Upa lo sidago o nyawa o sala moi-moi magena yaaka, sababu o nyawa manga dorou maro komagena done asa o Jou wafanggali de o dorou. O moi-moi maro komagena idomaka ngomi minisingangasu de minisisitiari dabolo nginika.