Ibrani 13:2 - O GIKIMOI AWI JAJI ma BUKU

² Upa niawosa la niodupa o nyawa ma somoa niaaso imasidodogu nia tahuka, sababu kanaga o nyawa yamuruo naga gena o Jou Awi malaikat yaaso imasidodogu manga tahuka, duma igogou o malaikat magena ona yanakowa.

Ibrani 13:2 Referans Kwoze

Matius 25:35

Sababu ma orasi Ngohi isapi, de o ino ngini nihike Ngohika. Ngohi ai kiri dadudu, de o ake ngini lo nihikeka. De Ngohi nia dokuka maro totatagino, de nia tahuka Ngohi nidehe daloha so tomasidodoguka.

Dodadi 18:1

O wange moi o Abraham awi dadaru o Mamre manga seri ma riho o bi gota yamomodo imatekedalateku, de o wange itotiai so dasahu poli so kanaga ma ngoraka womatamiye, de o Jou womasimane unaka.

Roma 12:13

De nakoso Una Awi nyawa manga oho ikurangi gena, bilasu o kia naga nginika magena nimakeregu de ona. De bilasu niodupa niaaso o nyawa ma somoa imasidodogu nia tahuka.

1 Petrus 4:9

De upa nimaridemo, duma bilasu niadupa o nyawa ma somoa niasigaro la imasidodogu nia tahuka.

Matius 25:43

De ma orasi Ngohi nia dokuka maro totatagino, de nia tahuka ngini Ngohi nidehewa so tomasidodoguwa. Komagena lo Ngohi, nakoso Ai baju ihiwa, de o baju ngini Ngohi nihikewa. Ma orasi Ngohi topanyake de lo isibuika, de ngini Ngohi nikurumiwa de lo niriwowa.’

Titus 1:8

Duma una bilasu wodupa o nyawa ma somoa wasigaro la imasidodogu awi tahuka, awi sininga de awi rohe ma nyafusu gena wapareta daloha, de awi dupa o orasi isigeto-geto cawali o kia naga daloloha, awi sininga watuga itotiai, so o dorou moi lo upa waaka duma o moi-moi o kia itotiai wodupa waaka.

Matius 25:40

De ma kolano Ngohi gena asa tasango onaka, ‘Ngini tinisingangasu igogou, o kia bato niaaaka to Ngohi Ai dodiao imomote ona manenaka, ngaroko ona yacecekeka, duma de magena ma ngale lo ngini niaaka Ngohika bai!’

1 Timotius 5:10

De bilasu muna magena lo o nyawa minako o orasi isigeto-geto ka o loha maaka. Komagena bilasu muna ami ngopa-ngopa mapalihara dalohaka, de modupa maaso o nyawa ma somoa imasidodogu ami tahuka, de lo modupa maleleani o bi nyawa o Yesus wipipiricaya de ami sininga ma loha o bi nyawa isususaka. So komagena muna foloi modupa o loha moi-moi dangodu gena maaka mokaeli.

1 Timotius 3:2

So o bobareta moi bilasu awi moi-moi waaaka ma rabaka gena o nyawa lo yaakuwa iwikalaki. Komagena una bilasu ma pedeka ka momatengo de upa o ngopedeka ma somoa wadupali, de awi sininga de awi rohe ma nyafusu gena wapareta daloha, de awi sininga wapareta itiai so o nyawa aku iwihoromati, de wodupa waaso o nyawa ma somoa imasidodogu awi tahuka de lo una aku o nyawa wadoto itiai.

Roma 16:23

O Gayus lo una awi salam wosidingo nginika. Una magena awi tahuka ngohi, Paulus, kagena tomasidodogu de o gogobu lo yangodu kagena imatotolomu. O Erastus, una o kota manena ma bendahara eko o pipi ma jojoho de lo nanga dodiao wopipiricaya moi, o Kwartus, ona lo manga salam isidingo nginika.

Rasul 16:15

So ongo Lidia de ami tahu ma raba moi ona lo yaosi daboloka, de muna asa momikoro de momiaso motemo, “O dodiao, ngini ninako igogou ngohi o Jou Yesus towipiricayaka, nako daloha de tanu niahino la ai tahuka nimasidodogu.” So komagena muna momigegego sidago ngomi to muna ami tahuka mimasidodogu.

Dodadi 19:1

Kaputuka de ona yasinoto magena imasidiado o Sodom ma kotaka. Kanaga o kota ma ngora ma simaka o Abraham awi nongoru ma ngopa awi ronga o Lot una kagena womatamiye. So de wakelelo ona yasinoto magena de una womaoko so wotagi wasibubusu. So kagena de una wobukuku wosuba onaka,

3 Yohanes 1:5

Ai dodiao tonidododara, ngona gena aku ngohi tonipiricaya daputuru, sababu ngaroko ona o nyawa ma Kristus wipipiricaya gena nanako waasi, duma nakoso ona nikurumi de ngona gena asa nodupa nariwo.