Ibrani 13:16 - O GIKIMOI AWI JAJI ma BUKU

¹⁶ De upa sidago ngone pawosa o loha o nyawaka paaka de lo o kia naga de maena ngoneka gena pahike o nyawaka, sababu o manara magena maro o suba moi kiaka o Gikimoi wodudupa.

Ibrani 13:16 Referans Kwoze

2 Tesalonika 3:13

De ngini mia dodiao ningodu nipipiricayaka, upa sidago nia sininga daceke so o moi-moi itotiai gena he niodupa kawa niaaka.

Roma 12:13

De nakoso Una Awi nyawa manga oho ikurangi gena, bilasu o kia naga nginika magena nimakeregu de ona. De bilasu niodupa niaaso o nyawa ma somoa imasidodogu nia tahuka.

Galatia 6:10

La ma ngale komagena, nakoso paaku, de ngone bilasu o loha paaka pokaeli o bi nyawa yangoduka, de ma boboloi o bi nyawa ma Kristus wipipiricayaka ona magena maro ka to ngone nanga gianongoru o tahu moi ma rabaka.

Ibrani 6:10

Sababu o Gikimoi o bi moi-moi dangodu igogou waaka itiai. Una asa wawosawa to ngini nia manara de lo nia dodara kiaka nisikokelelo Unaka, ma orasi idomaka sidago o orasi manena naga ngini nia dodiao o Jou Yesus wipipiricaya ona magena niariwo.

1 Timotius 6:18

De ona lo bilasu o loha yaaka o nyawaka de manga manara idala gena ka o loha ma rehe-rehe. Ona isidailako so o kia naga onaka gena aku o nyawa yahike de manga sininga daloloha.

Filipi 4:18

So ngohi todupa tinisingangasu nginika la to ngini nia pipi niatotolomu gena, dangodu ngohi tamakeka de kanaga de ma boloika. Ngohi kanena ai oho ma kurangi moi lo ihiwa, sababu to ngini nia ngongike moi-moi nisididingo gena o Epafroditus una watota dabolo ngohika. Nia ngongike ngohika niaaka gena, aku o Gikimoi iwisisanangi, maro o suba daloloha moi niatide o Unaka de Una wadehe daloha.

Efesus 4:28

O nyawa itotosi bilasu upa itosi kali. Duma ona bilasu de manga gia masirete imanara ikaeli manga oho isisari, la aku o nyawa isususa lo yahike.

1 Tesalonika 5:15

De komagena ngini nimajaga la ngaroko o nyawa ma somoa o dorou moi yaaka nginika, upa sidago ngini lo o dorou moili niaaka onaka. Duma o orasi isigeto-geto to ngini nia edekati bilasu ka o loha niaaka moi de moika komagena lo niaaka o nyawa yangoduka.

Rasul 10:38

Ena gena, idodooha o Yesus o Nazaret ma nyawa o Gikimoi Una iwihirika, so wihike o Gurumi Datetebi de lo o kuasa. De wotagi o doku wakokiloli o nonako ihahairani waaka o bi nyawa manga simaka, de o bi nyawa o Iblis yapopareta ona magena lo yadala wasilohaka, sababu o Gikimoi dede Una.

Lukas 18:22

O Yesus woise komagena, de wotemo, “Cawali o ngai moisi naaka waasi. Notagi kasi la ani ronga moi ani tahu ma rabaka nosiija de ma pipi o nyawa isususaka nasitoku, la ngona asa namake o arata ma duhutu o sorogaka. Daboloka, de nahino la noimote Ngohi.”

3 Yohanes 1:11

Mutuwade, ai dodiao tonidododara, maro to una awi manara datotorou magena tanu upa ngona naaka. Duma tanu o bi moi-moi daloloha maro kamagena bilasu nokaeli naaka. Sababu o nyawa nagoona nakoso kanaga o loha yodupa yaaka, ona magena lo igogou maro ka o Gikimoi Awi nyawa. Duma o nyawa nagoona nakoso kanaga o dorou yodupa yaaka, de ona magena igogou o Gikimoi iwinakowa.

Galatia 6:6

Nakoso kanaga o nyawa la ona o Gikimoi Awi dodoto itotiai inidoto nginika, de ona magegenaka bilasu kanaga o moi-moi daloloha de ikurangi onaka gena ngini niahike.

Filemon 1:6

De ngohi tosumbayang o Gikimoika togolo tanu ngona asa ma Kristus nowipiricaya daputurusi. De lo o laha moi-moi dangodu o Gikimoi ngone wonahihikeka gena igogou asa nanako. So komagena ngona aku o loha naaka Awi nyawa yangodu maro nanga dodiao, la ma ngale ma Kristus asa iwihoromati.

Filipi 4:14

Ngaroko komagena, duma ngini gena niaaka foloi dalohaka, sababu ma orasi ngohi o sangisara ma rabaka ngini kanaga o ririwo nihike.

Rasul 9:36

Kagena o Yope ma dokuka o ngopedeka mopipiricaya moi ami ronga ongo Tabita. (To muna ami ronga de o Yunanika manga demo ongo Dorkas, ma ngale o maijanga.) Muna o wange isigeto o loha maaka de o nyawa isususa mariwo.