Ibrani 12:5 - O GIKIMOI AWI JAJI ma BUKU

⁵ Upa niawosa o siduduga ma demo kiaka o Gikimoi Awi Jaji ma Buku ma rabaka wodedemo nginika maro Awi ngopa masireteka, so wotemo, “Ai ngopa, hika o Jou Awi dodoto nosininga daloha, de nakoso Una wonisidapano, de upa ani sininga daceke.

Ibrani 12:5 Referans Kwoze

Gogelelo 3:19

Sababu o nyawa Ngohi tasiboso ona magena, so Ngohi tasidapano de manga sala tositiai. So ngini magena upa nisihaga, duma bilasu igogou nikaeli de nia dorouno nimatoba de nimatoduba.

1 Korintus 11:32

Duma nakoso o Jou ngone nanga dorou wafanggali de o dorou komagena, gena de ma ngale la Una kanaga ngone wonadoto. Upa sidago ngone inasisa so pamote o dunia ma nyawa o Jou Yesus wipipiricayawa.

Yakobus 1:12

Nakoso o nyawa la o sangisara eko o susa yamake de kanaga yamoku lo, ona magena asa yososanangi. Sababu o orasi magena ona yatailakosi, so dabolo de ona magena asa o Gikimoika manga piricaya foloi daputuru. So ona magena o Gikimoi asa manga piricaya ma sopo wofanggali de o oho ka sidutu ikakali, maro Awi jaji onaka, nakoso igogou ona widodara Unaka. Gena imatero o goguule ma rabaka de o nyawa moi womagogora la ma bati waado wodoma, so una asa o hadiah wamake.

Ibrani 12:7

So ngini o sangisara niamoku la ma ngale o Gikimoi aku ngini winidoto. Komagena Una ngini winiaka maro to Una Awi ngopa masirete, sababu panako igogou o bi ngopa yangodu o dunia manenaka, gena manga baba bilasu yadoto.

Lukas 24:6

Kanena wihiwaka. Una wooho kali! Niososininga o kia Una winisingangasu dabolo nginika, ipapasaka ma orasi Una o Galileaka

Lukas 24:8

Kagena ona imasininga de igogou o Yesus Awi demo-demo magena.

Galatia 6:9

So ma ngale ngone gena nakoso o bi loha moi-moi paakaka gena, bilasu upa nanga sininga daceke. Nakoso komagena, de igogou done o Gikimoi asa ngone wonafanggali de o loha, maro ngone lo o kia podatoka de done asa ngone pautu.

1 Timotius 1:20

O nyawa ona magena manga dongirabaka kanaga o Himeneus de o Aleksander. Ona magena ngohi tahikeka o Ibliska la ona wasisangisara, so ona magena bilasu imatogu o Gikimoi o ronga ma dorou iwigaka.

Ibrani 13:22

Ai dodiao nipipiricaya, ngohi tinibaja de togolo nginika la ai siduduga ma demo manena ngini de nia sabari nisigise, sababu ai surati ma demo manena gena he ikakuwa.