Ibrani 12:3 - O GIKIMOI AWI JAJI ma BUKU

^3-4 Komagena ma orasi o Yesus o nyawa ma dorou iwiholu gena, o sangisara foloi datubuso wamoku sidago lo witooma. Nako ngini gena, igogou kanaga lo o nyawa ma dorou ngini iniholu, duma nia kudoti kiaka o dorou niahoholu gena ma rabaka ngini moi lo nitooma waasi, imatero maro o Yesus. So hika o Yesus niwisosininga, la upa ngini nia sininga daceke eko lo nia ngongano itola.

Ibrani 12:3 Referans Kwoze

Galatia 6:9

So ma ngale ngone gena nakoso o bi loha moi-moi paakaka gena, bilasu upa nanga sininga daceke. Nakoso komagena, de igogou done o Gikimoi asa ngone wonafanggali de o loha, maro ngone lo o kia podatoka de done asa ngone pautu.

2 Korintus 4:16

Mutuwade ngomi gena upa mia sininga daceke. Ngaroko mia rohe manena kanaga ma buturu gena sutu ikurangi, duma o wange isigeto-geto ka mia sininga ma buturu magena asa foloisi ifero de idogo kali.

Gogelelo 2:3

Ngini de nia sabari ilamo ngaroko o nyawa nisisangisara, duma ngini nia piricaya Ngohika gena niadohawa de nia sininga lo daputurusi so nimatoguwa.

1 Korintus 15:58

So, ai dodiao nipipiricaya, ngini tinidododara so hika nia piricaya gena nisiputuru, sidago nia piricaya lo nisitatapu igogou. De lo o Jou Yesus Awi manara gena hika nikaeli niaaka, sababu ngini nianako ma ngale ngini de Una nimarimoika, so nia manara datotubuso gena bilasu de ma faida de lo ma sopo.

Ibrani 12:2

Bilasu ngone popiricaya la pomagogora powimeta o Yesuska, sababu Una magegena o gogora manena ma ngeko wosidumu ngoneka de lo womagogora itiai sidago ma batika womasidiado. Una o sangisara wamoku sidago lo wisangahadika. Ma ngale wisangahadi so wisimade komagena o nyawa manga simaka, duma Una wosidoohawa, sababu wososininga o nali kiaka done asa wamake o orasi ma simaka. De o orasi manena kadaku o sorogaka Una womatamiye o Gikimoi Awi girinaka la Awi horomati wamake.

Ibrani 3:1

Ai dodiao, ngini o nyawa o Gikimoi Awi nyawa winiaasoka la o sorogaka niwosa. Ma ngale o Yesus gena hika nimasosininga. Una gena o Gikimoi asa wisulo la wahino ngoneka, wodadi o Imam Wilalamo de powipipiricayaka.

2 Korintus 4:1

So ma ngale ngomi mia manara o habari daloloha misihohabari gena mia sininga upa he daceke, sababu o manara magena o Gikimoi womigalusiri so womihike ngomika.

Yohanes 5:16

Komagena o Sabat ma wangeka de o Yesus una wisilohaka, so ma ngale magegena o Yahudika manga roriri asa o Yesus wisitobio.

Ibrani 12:5

Upa niawosa o siduduga ma demo kiaka o Gikimoi Awi Jaji ma Buku ma rabaka wodedemo nginika maro Awi ngopa masireteka, so wotemo, “Ai ngopa, hika o Jou Awi dodoto nosininga daloha, de nakoso Una wonisidapano, de upa ani sininga daceke.

Lukas 14:1

O wange moiku, o Sabat ma wange, de o Yesus wotagi woodo o Farisi ma nyawa manga roriri moi awi tahuka. Kagena iwinanano gena isidodiahi la Awi sala yasari.

2 Tesalonika 3:13

De ngini mia dodiao ningodu nipipiricayaka, upa sidago nia sininga daceke so o moi-moi itotiai gena he niodupa kawa niaaka.

Yohanes 18:22

Magena de o jojaga moi Awi dateka gena Una Awi bioko wosidopoka de wotemo, “Ce! Nobarani sidago lo nosango komagena ma Imam Wilalamoka.”

Yohanes 8:52

Kagena de o Yahudika ma nyawa magena itemo Unaka, “Ilaha! Nakoso komagena, de igogou Ngona magena nikokitoka. O Abraham una wosone de o Gikimoi Awi nabi-nabi yangodu lo isone. De idodooha so Ngona kanena nomisingangasu notemo, nakoso o nyawa nisigise Ngona de ona asa isonewa.

Yohanes 8:59

Kagena de gila-gila ona o teto itolomu ma ngale Una wisipaka la witooma, duma itolomusi, de ato imatodoka gena Una he wimake kawa, sababu Una asa womajoboka o Gikimoi Awi Tahuno de wadongosaku.

Yohanes 8:13

Magena de kanaga ona o Farisika ma nyawa yamuruo naga ibicara itemo, “Ce! Magena ka ka Ngona Ani demo masirete. So Ani demo gena iterowa bai!”

Yohanes 7:12

Kagena o nyawa yadadala manga sidongirabaka kanaga lo ma ngale Una iwisibicara gena ka imatekegogurubu moi de moika, duma ma binuka itemo, “Una Awi sininga daloha.” Ma binukali itemo, “Hiwa! Igogou, Una o nyawa wokokulai, wodupa o nyawa wasihaga.”

Lukas 16:14

O Yesus Awi dodoto dangodu magena o Farisika ma nyawa yoise, de sababu ona magena o pipi yododesere, so ka iwisiihe.

Lukas 15:2

Kagena de o Farisi ma nyawa de lo o bi guru agama ona magena asa imaridemo onaka, de yotemo, “Asitagala! Una gena wadodiao de woodo dede o bi nyawa ma dorou ona magena.”

Lukas 5:21

Duma ona gena o Farisika de o bi guru agama kanaga manga sininga ma rabaka itemo, “Wobarani bolo! Wotemo woluluguka, ‘Ani dorou tahoi.’ Ngone panako ka cawali o Gikimoi aku o dorou wahohoi, so Awi demo magenena ma meta o Gikimoi wisiceke.”

Lukas 2:34

So o Simeon wogolo o Gikimoi Awi laha foloi wodogo onaka. Dabolo de wotemo ma awa ongo Mariaka, “De ngona ani ngopa manena o Gikimoi Awi edekati gena o Israel awi ngopa de awi danoku yadala done asa yotura de yobodito, duma yadalali asa yatide la o loha yamake. Una magena o Gikimoi wihirika de wisulo la Una wahino nonena, duma o nyawa yadala asa Una wiholu,

Matius 22:15

Kagena de o Farisika ma nyawa o Gikimoi Awi Tahuno isupu de itagi gila-gila la imatekesikagaro de imatekefakati de ma ngale o Yesus iwisabatolo de o sosano moi.

Matius 21:46

So kagena de o Yahudika manga roriri imasikadailako la tanu Una iwitago. Duma ma ngale ona yamodo o bi nyawa yadadala, so ona idadi kawa yaaka, sababu yadadala gena itemo Una magena o nabi moi.

Matius 21:23

So o Yesus womasidiado kali o Gikimoi Awi Tahu ma lolohaka, de kagena wodoto. Wodoto de o imamka ma bi sahe de lo o Yahudika manga roriri yahino Unaka. De ona wisano itemo Unaka, “Naguuna wonisulo de naguuna o haku wonihike Ngonaka, so kagunugo o Gikimoi Awi Tahu ma rabaka naaka komagena.”

Matius 15:2

“Dadoohaso Ani muri-muri yatilaku to ngone nanga ete de nanga topora manga jojoho. Ce! Ona iodo de manga gia yatiodowa.”

Matius 12:24

Kagena de o Farisika ma nyawa o demo magena yoise, de ona itemo, “Igogou, Una magena waakuwa o toka wodusu, ka cawali o Beelzebul, gena o Iblis o bi toka wakokolano, gena wihike o buturu.”

Matius 11:19

De ma orasi Ngohi o Nyawa ma Duhutu tahinoka, de asa ka toodo de toudo. Ona magena lo Ngohi iholu, so itemo, ‘Hika Una niwinano bai! Cedeke! Una witesere, witobadalu, de imatekedodiao de o balastengi itotolomu de lo o bi nyawa ma dorou o bi kawasa yahoholu.’ Ngaroko komagena, duma nakoso nianano o Gikimoi Awi nyawa wimomote manga manara, de ngini asa nianako Awi ngale gena itiai de wocawaro.”

Yohanes 9:40

Duma kagena de o Farisika ma nyawa yamuruo naga Awi demo yoiseka, de itemo, “So o demo magena ma ngale o kia. De kiaso notemo ngomi lo koloko mipipilo.”

Yohanes 10:20

Kanaga yadadala ma binuka lo itemo, “Ilaha! Nagala Una gena wikokitoka. He! Witogosaka, so lebelaha ngone gena posigise pomatogu.”

1 Petrus 2:23

Ngaroko Una iwisimadeka, duma dangodu asa Una gena wabisangowa. De ngaroko lo Una wisisangisaraka, duma Una gena wangamowa bai, de lo wotemowa done ona wafanggali. Ka cawali womasidoa o Gikimoi Awi gia ma sohaka, sababu Una kanaga so done asa o nyawaka gena wafanggali itiai.