Ibrani 12:16 - O GIKIMOI AWI JAJI ma BUKU

¹⁶ De lo nimasidodiahi la upa sidago nginino kanaga o nyawa moi lo o nyafusu ma dorou nidupa niaaka. De upa sidago lo niaaka maro o Esau idodomaka, sababu o Gikimoi Awi laha unaka he wafaduliwa, so awi ria ma haku o Gikimoi Awi laha wamake gena wositagali de ma nongoru awi ino o kupuo.

Ibrani 12:16 Referans Kwoze

Gogelelo 22:15

Duma kagena o kota ma duduka kanaga igoge o nyawa yangodu la de manga manara datotorou, komagena ona yototooma, o nyafusu ma dorou yaaaka, igogomahate, o kia naga manga gia isiaaka de kagena yasusuba de lo yatotodamatoko.

Ibrani 13:4

O kawi ma adati gena ngini ningodu bilasu nisigise. Upa niatilaku, sababu o nyawa la kanaga o nyafusu ma dorou yaaka eko yosundali, ona magena o Gikimoi asa wafanggali de o dorou.

Rasul 15:29

Bilasu upa o lake o bi gomaka isisusuba gena niaodo, upa lo o bi haiwani ma au niaudo, upa lo o bi haiwani yagogohore la isoneka de niaodo de lo upa o bi nyafusu ma dorou niaaka. Nakoso ngini nimasitiari la o dorou ma manara magena niaaka niholu, magena asa niamanara itiai de daloha. Sidago kagena. De o Yesus Kristus Awi ronga Ngomi o gogobu, de o bi rasul, de o roriri o Yerusalemka

Markus 7:21

Sababu o nyawa manga rabano, ena gena, manga siningano asa o bi dorou moi-moi ibao so manga manara o nyafusu ma dorou iaaaka, itotosi, itotooma,

Gogelelo 21:8

Duma nakoso o bi nyawa ma dorou, ona magena asa yaumo o uku ma talaga ma rabaku la kagena asa yasidutupu de o walira, de komagena ona magena asa yosone ma sinotoka. O bi nyawa ma dorou ona yaumo gena, nakoso yobaraniwa, duma yoholu o Yesus Kristus wipiricaya daputuru. Ona magena manga manara dangodu datorou, ena gena ona yototooma, ona manga nyafusu datotorou yaaaka, ona igogomahate, ona o kia naga de manga gia isiakaka gena yasuba, de lo ona yatotodamato de hitilahi o manara datotorou yaaaka.”

Kolose 3:5

So bilasu ngini o bi dorou moi-moi upa niaaka, maro o nyawa kanaga wosoneka. Ena gena, niholu niaaka o dupa datotorou de o nyafusu ma dorou dangodu, de lo niholu o arata niodesere. Nakoso magena niodesere gena, imatero de o Gikimoika nisubawa so ka o serika niasuba.

Efesus 5:5

Igogou-gogou, o nyawa la kanaga isundali eko o bi moi-moi datotorou yodupa, de ona magena yaakuwa ma Kristus de o Gikimoi Manga pareta ma rabaka o bi laha o Gikimoi wajajajika moi lo yamake. Komagena lo o nyawa la kanaga o arata yodesere, ngone aku potemo yosuba ka cawali o kia naga yodudupa.

2 Korintus 12:21

Ngohi tohawateri upa sidago, nakoso ngohi tahika kali nginika, de ngini nia simaka o Gikimoi asa ngohi woisimade. Upa sidago ngohi toari ma ngale ngini nia sidongirabano kanaga nidala o dorou niaakasi. Sababu ngini gena nimatoba de nimatoduba waasi nia dorou idodomano, gena nisundali de o nyafusu ma dorou niaaka, de o moi-moi datotorou niodupa sidago lo nia rohe maro ka o haiwani so o made gena niodupa niaaka.

1 Korintus 10:8

Upa sidago ngone lo o nyafusu ma dorou magena paaka, imatero maro idomaka o nyawa ma binuka lo yaaka. Nimasitiari bai! Ma ngale manga manara magegena ka o wange moi ma raba de kanaga ona ya-23,000 gena isoneka.

Rasul 15:20

Duma o surati moi polefo onaka o bobita ngai muruo naga ma demo, gena komanena: bilasu upa o lake o bi goma isisusuba gena yaodo, de upa o bi haiwani yagogohore la isoneka de yaodo, de upa lo ma au yaudo.

Dodadi 27:36

De una woriria asa wotemo, “Igogou de itero awi ronga o Yakub, sababu he ma para ma sinoto ngohika asa woisipake awi akali ma dorou magena. Ai haku o ngopa toriria gena wakooraka, de o orasi kangano manena ai loha lo o Jou-no wakoora kali. So, baba, kanaga de o Jou Awi laha ka ngai moi lo ihiwa ngohika?” (Nako o bahasa Ibrani ma demo “Yakub” gena ma beto he imatero de o demo moili de ma ngale gena wokokulai.)

Efesus 5:3

So ma ngale ngini o Gikimoi Awi nyawa, so upa sidago o sababu moi idadi so done o nyawa aku itemo ngini gena kanaga nisundali, de o bi moi-moi datotorou niodupa, de lo o arata niodesere.

1 Timotius 1:9

De magena paaka itotiai nakoso ngone lo panako upa o bobita moi-moi magena o Gikimoi waaka ma ngale o nyawa manga sininga itiai Unaka, duma waaka ma ngale o bi nyawa datotorou, maro o nyawa ona manena: Ona o Gikimoi Awi bobita yatotilaku de iholu Una wisigise, de ona Una iwihoromatiwa de ona cawali o dorou gena yodupa yaaka. Komagena so ona Una wadudupawa de ona manga agama ihihiwa, de ona manga baba de manga awa de lo o nyawa ma somoa yatotooma.