Ibrani 12:12 - O GIKIMOI AWI JAJI ma BUKU

¹² Komagena so ngini nia sininga gena upa daceke, duma hika nisilamo kali.

Ibrani 12:12 Referans Kwoze

Ibrani 12:3

Komagena ma orasi o Yesus o nyawa ma dorou iwiholu gena, o sangisara foloi datubuso wamoku sidago lo witooma. Nako ngini gena, igogou kanaga lo o nyawa ma dorou ngini iniholu, duma nia kudoti kiaka o dorou niahoholu gena ma rabaka ngini moi lo nitooma waasi, imatero maro o Yesus. So hika o Yesus niwisosininga, la upa ngini nia sininga daceke eko lo nia ngongano itola.

1 Tesalonika 5:14

Ai dodiao nipipiricaya, ngomi minibaja de migolo nginika, la o nyawa ibobusengi so yomomanarawa ona magena niasitiari, de o nyawa la manga sininga ituturaka ona magena niariwo manga sininga nisiputuru, de lo o nyawa la manga sininga yacoho daputuruwa so yodupa o dorou yasibaja eko lo manga piricaya daputuru waasi, ona magena bilasu ngini niariwo. So komagena ngini lo bilasu de nia sabari ilamo o nyawa yangoduka.

Ibrani 12:5

Upa niawosa o siduduga ma demo kiaka o Gikimoi Awi Jaji ma Buku ma rabaka wodedemo nginika maro Awi ngopa masireteka, so wotemo, “Ai ngopa, hika o Jou Awi dodoto nosininga daloha, de nakoso Una wonisidapano, de upa ani sininga daceke.