Ibrani 12:11 - O GIKIMOI AWI JAJI ma BUKU

¹¹ Igogou, nakoso ngone inadoto gena inasisanangiwa, duma ka to ngone nanga sininga yapeleso. Ngaroko komagena, ma duuruka nakoso ngone o dodoto magena padehe dalohaka, de nanga oho de nanga manara gena kanaga asa de ma sopoka kiaka isosanangi de itotiai.

Ibrani 12:11 Referans Kwoze

2 Korintus 4:17

Sababu o sangisara o orasi manena o duniaka ngomi miamamake, magena ka dagoguui de lo itekawa. De ma ngale ngomi o sangisara magena miamoku, so asa idadi ngomi gena miamake o oho daloloha de ka sidutu ikakali. Nako o oho magena de o sangisara ngomi miamamake, o oho o orasi ma simaka gena asa foloisi ilamo de lo daloha icarawa.

1 Petrus 1:6

Komagena so bilasu ngini gena igogou ninali. Ngaroko o orasi manena de ma cunusi kanaga ngini nia siningaka isusa sababu o bi sangisara foloi idala inidahe nginika, duma nia sininga de ma nalisi.

Ibrani 12:10

Sababu ngone nanga baba o duniaka ona magena inadoto ka o orasi ma cunu, mote ka o ngeko o kia naga ona yamalo daloha. Duma o Gikimoi Una magena ngone wonadoto, sababu magena o ngeko foloisi daloha ngoneka, ma ngale ngone nanga sininga idadi datebi imatero maro to Una Awi sininga.

Ibrani 5:14

Duma o ino datotogoi gena ma ngale o nyawa la kanaga yalamoka, ena gena ona la kanaga o dodoto itotiai magena yososininga, sidago lo ona aku yanako itiai de lo o kia naga itotiai de o kia naga isasala gena lo aku yatuga itiai.

Roma 14:17

Sababu nako o Gikimoi ngone wonapopareta gena, o bobita o kia naga paodo de paudo gena posigise ma ngale magena dasowo. Duma ma ngale gena igogou o moi-moi o kia itotiai gena paaka, de nanga oho ma rabaka gena ka cawali o rimoi de o sohi, de lo o Gurumi Datetebi ma buturu so pomore de nanga nalika.

2 Petrus 2:14

De ona o dorou yaaka imatero maro to ona manga ake de manga nao. Ona nakoso kanaga o ngopedeka ma somoa bato imikelelo de imakajai-jai iminyafusu datorou, de nako o nyawa kanaga manga piricaya daputuru waasi gena yasihaga. De kanaga lo nakoso o pipi gena ona ifoloisi yodesere. Ilaha! Ona magena igogou yakutuku de asa yabodito.

2 Timotius 4:8

Ma dodoguka, ngohi o bi moi-moi itotiai ka taaka, maro o nyawa o goguule ma rabaka tamomote so bilasu ngohi o hadiah tamake. La ma orasi o nyawa yangodu manga loha de manga dorou ma sopo o Jou Yesus wafanggali itotiai de to ona manga sopo, de ngohi asa o hadiah woihike de ngohi ai sininga itotiai waaka, so komagena o oho ka sidutu ikakali tamake. De ka cawali ngohi tomatengowa, duma o nyawa nagoona bato o Jou widodara so yodupa widamaha sidago Una wahino kali, ona lo asa o oho ka sidutu ikakali yamake.

Dodadi 21:11

Duma ma roka de ma pedeka ami gogolo magena wosanangiwa de lo awi sininga dasiri, sababu o Ismael lo to una awi ngopa masirete.