Ibrani 11:4 - O GIKIMOI AWI JAJI ma BUKU

⁴ Ma ngale o Habel awi piricaya so una watide awi suba moi o Gikimoika kiaka ifoloisi daloloha de awi ria o Kain awi suba. Ngone panako una wopiricayaka, sababu ma orasi awi suba gena o Gikimoi wadehe daloha, de Una wotemo igogou o Habel gena awi sininga itiai. De ngaroko ipasaka de una wosoneka, duma awi piricaya sidago o orasi manena so idadi o simodoto moi ngoneka.

Ibrani 11:4 Referans Kwoze

Ibrani 12:24

De ngini lo niwirisima o Yesuska, Una magena wodadi maro o Gikimoi Awi dagali moi o jaji damomuane gena waaturu. O Yesus wosone de Awi au ikopolaka, de Awi au gena foloisi daloha de o Habel awi au idodomaka, sababu o Habel awi au gena isinako bilasu yafanggali, duma o Yesus Awi au magena isinako igogou nanga dorou aku yaaponguka.

Dodadi 4:10

So o Jou wobicara wotemo, “Ce! Ani nongoru o Habel nowitooma so wosoneka. Awi au o tonaka tamake imatero maro awi ili ma dagali iaso Ngohika igolo la tafanggali.

Yudas 1:11

Ona yobodito, awalele! Sababu o ngeko idodomaka o Kain wamomote ona lo yamote. De sababu o pipi yodesere, so ona lo o dorou yaaka de yamote maro o Bileam awi sala. De lo maro o Korah idodomaka, komagena ona lo o Gikimoi wiholu so done asa ona dede Una imakitingaka.

Ibrani 9:22

Igogou, maro o bi bobita o Musa wosilelefo gena o bi moi-moi he dangodu bilasu de o au isitebi. Nakoso o au ikopolawa, de idadiwa ngone nanga dorou gena akuwa isiapongu.

Dodadi 4:15

So o Jou wotemo, “Hiwa! Nako o nyawa moi wonitooma de asa to una awi manara ma fanggali ma sangisara ma para ma tumudingika.” So dabolo de o Jou o nonako wahado o Kainka la ngaroko o nyawa wimake, duma upa witooma.

Dodadi 4:8

Kagena de ma ria magena womaoko wotemo awi nongoruka, “Habel, hino o pongaka potagi.” Ona yasinoto itagi so imasidiado o pongaka, de gila-gila ma ria magena witooma ma nongoru so wosoneka.

Ibrani 12:1

So nako ngone gena, kanaga inasigilolino ona yadalali idodomaka isingangasu igogou o Gikimoi wipiricayaka. So komagena lo ngone nanga piricaya posiputuru o Gikimoika, imatero maro o goguule ma rabaka de o bi moi-moi o kia naga inafafati gena dangodu ngone paumo la pomagogora. So hino la o dorou lo paumo, upa sidago ngone jai-jai bato inasabatolo. De o ngeko kiaka o Gikimoi wositatapu nanga simaka gena, ngone lo bilasu nanga sininga posiputuru la pomagogora.

Dodadi 4:25

Ma orasi o Habel witooma de wosoneka, de o Adam de ma pedeka imasikiidu kali. So muna morohe de mowisibuo o ngopa yanau moili. So motemo, “Sababu o Habel o Kain witoomaka, so o Gikimoi o ngopa yanau moi ka woihike kali.” So mowisironga o Set, ma ngale o Gikimoi Awi laha wosidumu.

Titus 1:16

Nakoso o manara daloloha yaakuwa yaaka de o Gikimoi iwisigisewa so manga manara dangodu datorou, de o Gikimoi ona waleki de wadupawa. So ngaroko ona itemo o Gikimoi iwinakoka, duma ngone panako magena ikulai de igogou ona o Gikimoi iwinakowa. So bilasu nasidapano onaka ma ngale yanako igogou ona isala.

Ibrani 5:1

Nako o imam yalalamo moi gena, o nyawa manga sidongirabano kanaga wihiri de witideka la wodadi to ona manga dagali moi o Gikimoi Awi simaka. To una awi manara magena, ona manga gaso o haiwani de lo manga suba ma somoa gena watide o Gikimoika la idadi manga dorou ma ija.

Ibrani 11:2

Komagena nanga ete de nanga topora idodomaka, ma ngale to ona manga piricaya, so o Gikimoi Awi sininga yadeheka.