Ibrani 11:19 - O GIKIMOI AWI JAJI ma BUKU

¹⁹ Una wanako igogou o Gikimoi waaku o bi nyawa isosoneka wasioho kali, so aku potemo, una awi ngopa gena o sone ma rabano asa widehe kali.

Ibrani 11:19 Referans Kwoze

Matius 9:28

De Una womawoma o tahuka, de manga lako ipipilo yasinoto ona magena yahino Unano. De Una wosano wotemo onaka, “So, idodooha Ngohi de Ai kuasa la tinisiloloha gena ngini nipiricaya.” Ona itemo, “Iya, Jou! Miagogou Ngona minipiricaya.”

Efesus 3:20

O Gikimoi Awi kuasa la kanaga imanara to ngone nanga siningaka, gena foloisi itiai. De Awi kuasa gena o Gikimoi aku waaka ifoloi de o bi moi-moi dangodu ngone pogogolo de podudupa.

Dodadi 22:13

Dabolo de una o Abraham womaginano o riho magena ma sigilolino de wakelelo o duba ma nau moi ma taduka o gumi yapilikuka. So gila-gila una o duba magena wadehe de watolaka, de wahadoku o gota yatotopu ma dokuka, so watupu maro to una awi suba moi o Gikimoika. So o duba magena idadi awi ngopa awi dagali.

Ibrani 9:24

Sababu o Suba ma Dadaru kiaka ma Kristus wowowosaka magena, upa o nyawa manga gia siaaka gena isinonako o Suba ma Dadaru ma duhutu o sorogaka. Ka igogou Una wowosa o sorogaka de kagena o orasi manena wirisima o Gikimoika ma ngale ngone wonasigolo.

Matius 12:36

Komagena so ngini tinisingangasu igogou, ma wangeka done o nyawa manga dorou ma sopo o Gikimoi wafanggali de o dorou, de o bi nyawa la kanaga manga demo moi-moi ma faida ihihiwa magena, done ona bilasu yasango o Gikimoi Awi simaka bai!

Ibrani 9:9

O orasi manena magena maro ka o nonako moi. Nakoso ngone nanga gaso o haiwani de lo nanga suba ma somoa gena posisuba o Gikimoika, maro o jaji idodoma ma bobitaka, gena yaakuwa nanga sininga isitiai la idadi pomasidate Unaka.