Ibrani 11:13 - O GIKIMOI AWI JAJI ma BUKU

¹³ Ona magena yangodu manga piricaya daputuru sidago ma orasi ona done isone. Ngaroko ona masirete o kia naga o Gikimoi wajojajajika gena yamakewa, duma ona isanangi de yanako itekaka o orasi ma simaka Awi jaji gena done asa wosiganapu. Ona imangaku itemo o dunia manena gena manga riho ma duhutu dasowo de ona o dunia manena ma rabaka maro ka o nyawa so ka itatagino.

Ibrani 11:13 Referans Kwoze

Ibrani 11:27

Ma ngale una awi piricaya so o Mesir ma tonaka gena una wodongosa. Una wimodowa de o Mesirka manga Kolano awi doosa. Sababu una gena o Gikimoi wikokelelowa he iwikeleloka, so womakilihowa duma wotagi wokahika awi simaka.

Dodadi 23:4

“Baba-baba, ngohi manena o nyawa moi totatagino de ngini nia sidongirabaka togoge. Kodo! Nako daloha de nia tona sutu nihike la ngohi taija ma ngale ai pedeka aku tomipoosu o tona magenaku.”

Yohanes 8:56

Komagena lo kanaga ipapasaka nia ete de nia topora o Abraham, una magena wanakoka Ngohi done tahino, de ma ngale magena una igogou winali de itero nakoso una aku woikelelo Ngohi tahino dabolo.”

Ibrani 11:39

Igogou! O bi nyawa ona magena yangodu ma ngale manga piricaya so o Gikimoi asa wadupa. Ngaroko komagena, duma ona gena o kia naga o Gikimoi wasijajajika magena dangodu ona yamake waasi.

Efesus 2:19

So ngini nipipiricaya o Yahudika ma nyawa nisowo, ngaroko idomaka ngini inisieto maro o nyawa ma duduno, duma o orasi manena naga de ngini lo inisieto maro o Gikimoi Awi nyawa manga dodiao. Ngini nigoge ka o tahu moi dede to Una Awi ngopa-ngopa yangodu.

Roma 8:24

De ma ngale Una wonasisalamati so o mulia magegena ngone asa pongongano. Nakoso o kanaga o kia naga moi pongongongano magena pamake dabolo, de ngone asa upa he pongongano kali. Sababu o kia naga o nyawa yangongongano gena, nakoso yamakeka, de ona asa yangongano kawa.

1 Petrus 2:11

Ai dodiao tinidododara, ngone popipiricaya gena o nyawa ipipiricayawa manga sidongirabaka pogogesi de lo o dunia manenaka maro o nyawa itatagino. So ngohi tinibaja de togolo nginika bilasu nia sininga ma dupa datotorou moi lo upa niaaka, sababu magena isiholu o kia naga nia sininga ma dupa asa niamake o Gikimoika.

1 Petrus 1:17

Bilasu ngini niaaka komagena, sababu nakoso nisumbayang o Gikimoika de ngini asa nitemo Una magena to ngini nia Baba. De Una lo wahihiri itiai o nyawa yangodu manga loha de manga dorou. So ma deka idodooha ngini o dunia manenaka nigoge maro o nyawa itatagino, de bilasu nimasitiari so o Gikimoi gena niwisihoromati foloisi daloha.

Roma 4:21

de lo wanako igogou-gogou o kia naga o Gikimoi wojajaji magena lo waaku ka waaka.

Dodadi 49:18

O Jou, ngohi masirete toningongano o sangisara ma rabano asa noisisalamati.

Dodadi 47:9

“Baba, ngohi manena o dunia ma bi dokuka totagi-tagi ma deka he o taungu 160-ka. O taungu ma dala magena ma rabaka kanaga ai susa de ai sangisara la ka idala, duma ai taungu ma dala gena yaado waasi dede to ngohi ai ete de ai topora manga oho ma deka.”

1 Yohanes 3:19

Bilasu ngone nanga sininga parihi-rihi kanaga o Gikimoi Awi simaka la upa inamodo, sababu nako ngone de nanga dodara igogou de itiai o nyawaka gena, aku panako igogou-gogou ngone lo pamoteka o dodoto itotiai.

Matius 13:17

Ngini tinisingangasu igogou, kanaga idodomaka o bi nabi yadala de lo o nyawa de manga sininga itotiai la yodupa yokelelo o kia o orasi manena ngini niakokelelo, duma ona yakelelowa. Ona lo yodupa yoise o kia o orasi manena ngini nioiise, duma ona yoisewa.”

Dodadi 49:33

Kagena de to una awi singangasu de awi beseso wosiboloka, de womaidu awi dangisa, de o orasi magena dabolo una he wowoma kawa so wosoneka.

Dodadi 49:10

Ngona ani ngopa de ani dano done o nyawa yapareta, ipareta imatoguwa sidago o nyawa moi ngo wahino. Una magena wihiri de wisulo wahino wopareta so o bi doku yangodu lo wisigise ka ka una bai.

Yohanes 12:41

O Yesaya wotemo komagena, sababu ma orasi idodoma gena una awi gogelelo ma rabaka wakelelo done o Yesus asa wisimulia, de magena wosingangasu.

Dodadi 50:24

So una magena awi ria-riaka wasingangasu wotemo, “O orasi manena dabolo done asa ngohi tosone. Duma nanga Gikimoi Una magena asa ngini winiriwo bai, de o tona manenaka de asa winingaho o tona kiaka o Abraham, o Ishak, de o Yakub ona magena wajaji idomaka.

Dodadi 49:28

So komagena manga baba wasingangasu awi ngopa moi de moika, idodooha done o orasi ma simaka manga ngopa de manga danoka o Gikimoi asa o laha wahike, mote Una Awi dupa masirete.

Dodadi 48:21

Bolo, de asa wosibeseso o Yusufka wotemo, “Ai ngopa, ngohi ai sone ma orasi gena he idumuka, duma ngini gena nanga Gikimoi asa winidongosawa de lo waaka la done kadoka o Kanaan ma tonaka, to ngini nia baba de nia ete manga tonaka, kagena aku niliho kali.

2 Korintus 4:18

So o susa de o sangisara o dunia manenaka la kanaga ngomi miakokelelo, magena ngomi ngaroko upa he miososininga, duma ngomi miososininga ka cawali o loha kekiaka miakokelelo waasi gena isidailako dabolo ngomika. Sababu o kia naga o dunia manenaka aku miakokelelo magena ma deka ikuruwa, duma o loha kekiaka miakokelelo waasi magena asa ka sidutu ikakali.

2 Korintus 5:6

Ma ngale komagena so igogou kanaga to ngone nanga sininga foloisi daputuru de posabari. Ngaroko, ngone panakoka igogou, nakoso de nanga rohe ngone kanena pogoge ka o dunia kasi, de ma soa ka ikurusi kiaka ngone dede o Jou Yesus kadaku o sorogaka.

Ibrani 11:14

O nyawa la kanaga itemo komagena, ona magena isinako igogou o tona moi ona yasarisi, kiaka aku idadi to ona manga tona ma duhutu.

Ibrani 11:17

Ma ngale o Abraham awi piricaya o Gikimoi una witailako, so ma orasika de o Abraham wosidailako awi ngopa o Ishak la wiaka maro o suba moi yatutupu la wosisuba o Gikimoika. Idomaka, o Gikimoi o Abrahamka wotemo, “De ma ngeko o Ishak so ngona ani ngopa de ani dano ma duhutu asa namake maro kia tonijajajika.” Duma ngaroko komagena, o Abraham wosidailako o Ishak awi ngopa womatetengo gena, wihike la witupu maro o suba moi.

1 Petrus 1:1

Ngini ningodu o Gikimoi winihihirika so nidadi to Una Awi nyawa, la nitagi niodobiau o bi propinsi moi-moika, ena gena o Pontuska, o Galatiaka, o Kapadokiaka, o Asiaka, de o Bitiniaka, de kagena manga sidongirabaka nigoge maro o nyawa itatagino. Ngohi, Petrus, o surati tolelefo gena o Yesus Kristus woisitatapuka so todadi o rasul moi.

Dodadi 21:34

So daboloku de una magena wogoge ma dekano o Filistin ma nyawa manga dokuka.