Ibrani 10:8 - O GIKIMOI AWI JAJI ma BUKU

⁸ So komagena o Jou Awi bobita o Musa wosilelefo gena, itemo ma ngale manga dorou gena bilasu o gaso o haiwani de o suba yahihike magena yosisuba. Ngaroko komagena yaaka, duma ma Kristus wotemo o Gikimoi wodupawa de Una wosanangiwa.

Ibrani 10:8 Referans Kwoze

Ibrani 10:5

Komagena so ma orasi ma Kristus wahino o duniaka, de Una wotemo o Gikimoika, “Ngona o gaso o haiwani de o suba ma ngongike magena nodupawa, o suba ma ngongike yatutupu de o gaso o haiwani yatotola, gena inisisanangiwa. Duma Ngohi Ai rohe magena Ngona asa nosidailako daboloka ma ngale o suba moi nodudupa.

Markus 12:33

De lo o nyawa bilasu o Gikimoi widodara dede manga sininga ma buturu de manga pade ma buturu dangodu isikomote, de ona lo yadodara manga dodiao maro ka to ona manga rohe masirete. Magena foloi daloha de o gaso yatutupu eko o bi gaso ma somoa isimeta o Gikimoika.”

Roma 8:3

Ena gena, sababu ngone o nyawa kanaga nanga siningaka o dorou podupa, so o bobita o Gikimoino posigise paakuwa. Duma o Gikimoi gena igogou waaku bai! To Una Awi Ngopa masirete wisulo la wahino womadadi maro ka o nyawa moi de Awi siningaka o dorou ma dupa lo wosigisewa, so ma ngale ngone nanga dorou gena dangodu watupu sidago Una masirete iwitooma.