Gogelelo 6:12 - O GIKIMOI AWI JAJI ma BUKU

¹² Kagena de Una asa o segel ma butangaka waraca kali, de ngohi takelelo kanaga idadi o osu dapoputuru. De o wange asa dataroka, imatero maro o bakili ma sasao, de o ngoosa itokola lo dasawalaka koloko o au.

Gogelelo 6:12 Referans Kwoze

Matius 24:29

“Ma orasi o susa de o sangisara magena ipasaka, de o wange de o ngoosa isiwa kawa so dapuputuka. So o dipa lo ihiti so o moi-moi dangodu o dipaka ma dodagi he yamote kawa, de o bi ngoma lo asa o dipaku itura.

Gogelelo 16:18

So kanaga lo o tatawi, o diwotu ma dupuru, o kuguru ma ili de lo o osu so o tona ihiti, gena o osu maro komagena idadi waasi ma orasi o nyawa o Gikimoi wasidadiku ma bati o orasi manena. So magena ifoloisi ilamo de daputuru.

Gogelelo 11:13

De kanaga o orasi magena asa o osu isitodokano sidago lo o kota magena, o regu mogiowo so o regu moi yasiwaroka, de o nyawa manga dala yacala tumudingi isoneka. So o nyawa ma binukali gena asa ka yamodo de itemo, “Igogou! O Gikimoi o sorogaka gena ka Una magena wolamo.”

Gogelelo 8:5

Kagena de o malaikat magena o manyanyi ma ngihi o guracino magena wadehe de kugena ma rabaku o uku ma ngabo wangadoka. Dabolo de o manyanyi ma ngihi de ma raba gena wosipaka o duniaku. Ato toise o kuguru ilalamo de o diwotu ma dupuru, de lo takelelo o tatawi, de o osu lo idadi.

Matius 24:7

O bangsa moi yasaturu o bangsa ma somoa, o kolano moi asa yakudoti o kolano ma somoa. Kiaka o dunia ma dokuka asa idadi kiaka bato o bare so o ino asa ihiwa, de lo o osu de o diwotu.

Markus 15:33

La o wange itotiai, de o doku ma sigilolino magegena dapuputuku ma deka o orasi saange.

Matius 28:2

Ato imatodoka o osu dapoputuru moi yahino, sababu o Jou Awi malaikat moi o sorogaka de wouti de waloloka o teto ilalamo magena, kiaka o boosu isipoperesu, de wogogeku kagena ma dokuka.

Matius 27:54

Ma kapita moi dede awi prajurit-prajurit o Yesus wijojajaga gena o osu de lo o kia naga idadadi magena yakelelo, de ona yamodo imasidotirineku, de yotemo, “We! O nyawa Una manena igogou o Gikimoi ma Ngopa!”

Matius 27:45

La o wange itotiai, de o doku ma sigilolino magegena dapuputuku ma deka o orasi saange.

Matius 11:21

Una wotemo, “O bodito! Kodo! O bodito asa inidahe ngini o Khorazimka de o Betsaidaka ma bi nyawa. To ngini nia dokuka o nonako ihahairani igogou idala taakaka, duma ngini niholusi nia dorouno nimatoba de nimatoduba. So tosiade nakoso o nonako ihahairani magena taaka o Tirus ma dokuka de o Sidon ma dokuka, de igogou idomaka ona magena, ngaroko o Yahudika ma nyawa yasowo, duma asa manga dorouno imatoba de imatodubaka, sidago lo o baju koloko o karong imasitibaku de o gaapo isihaja manga saheku, maro o beleso ma nonako moi.

Gogelelo 8:12

Dabolo de o malaikat ma ihaka awi trompet wawuwu kali, de kanaga o wange de o ngoosa imatero maro o naga yalowola so komagena o wange de o ngoosa ma siwa irongoka, de komagena lo o bi ngoma ma siwa daoroka.

Gogelelo 16:8

So o malaikat ma ihaka magena awi udo-udo ma raba magena o wangeku wakopola kali. De tomatodoka o Gikimoi waaka so o wange magena ma sahu dasosihilo o bi nyawa yatupu so ma sahu dalodi ifoloi.