Gogelelo 22:12 - O GIKIMOI AWI JAJI ma BUKU

¹² Kanaga o Yesus wobicara wotemo, “Nimasosininga! Ma orasi gena iteka kawa de Ngohi manena asa tahino. Ma ngale Ngohi asa o nyawa tafanggali, mote de kanaga to ona manga manara moi-moi ma sopo, so nakoso o loha yaaka done asa o loha yamake de o dorou yaaka done asa o dorou yamake.

Gogelelo 22:12 Referans Kwoze

Matius 16:27

Sababu igogou ma orasi isitatapuka, Ngohi o Nyawa ma Duhutu done asa tahino kali o duniaku de Ai kuasa, kiaka isikokelelo maro Ai Baba Awi kuasa, de Awi malaikat yadadala. O orasi magenaka de igogou o nyawamoi-nyawamoi manga manara ma sopo Ngohi asa tafanggali de o loha eko o dorou.

1 Korintus 3:14

So nakoso o nyawa manga manara gena ma Kristus watailako so wanano daloha, de Una asa manga loha ma sopo magena wafanggali de o loha.

1 Korintus 3:8

O kiali, una wodadato de una woguguse, ona yasinoto magena ka imaketero, de ona moi-moi done asa yafanggali imamote de to ona manga manara moi-moi ma sopo.

Gogelelo 22:7

O Yesus watemo, “He! Niisesi! Itekawa de Ngohi manena asa tahino. So o nyawa nakoso o buku manena ma rabaka o Gikimoi Awi demo yosingongangasu gena yodupa yacoho de yaaka, de ona magena asa ka yososanangi.”

Roma 14:12

Komagena so ma ngale to ngone moi-moi nanga manara gena bilasu podohaka, la done asa o Gikimoi wahiri.

Gogelelo 11:18

O bi bangsa ma nyawa inisigogigisewa manga doosa foloisi ilamo. Duma ma orasi yaadoka, ona asa Ngona nangamo. Isosone manga manara natailako. Nasilamo o bi nabi gena Ani sosulo, Ani nyawa yaudu eko yalago, nako inihoromati Ngona, yangodu nasifanggali de o dodara. O nyawa o dorou yaaaka o duniaka Ngona asa ka nasisa de nabodito.”

Gogelelo 20:12

Kanaga lo to Una Awi simaka isosone, bai ikokuasa bai lo ikokuasawa, ona yangodu yasioho kali so imaokoye, de o buku-buku asa wosulo la ipelengaka. O buku moi ipelengaka gena o oho ma buku, de ma rabaka o nyawa yoooho ka sidutu ikakali to ona manga ronga isilefoka. So mote o moi-moi o kia ilelefo o buku-buku magena ma rabaka, komagena isosone gena to ona manga loha de manga dorou ma sopo wahiri la wafanggali de o loha eko o sangisara.

Gogelelo 22:20

O Jou Yesus o bi moi-moi idomaka wosingongangasuka, Una magena wotemo, “Igogou de itero, iteka kawa de Ngohi manena asa tahino.” De ngohi manena, Yohanes, totemo, “Iya, Jou Yesus, komagena bato. Tanu nahinoka.”

Gogelelo 2:23

Igogou, Ngohi asa tatooma o nyawa ona magena nakoso to muna ami dodoto gena yamote de yacoho. Komagena so o bi gogobu yangodu gena asa yanako igogou-gogou Ngohi manena gena o nyawa ngini ningodu nia sininga ma raba tatailako, de tanako ma ngale nia loha de nia dorou ma sopo done tafanggali de o loha eko lo de o dorou.

Gogelelo 3:11

Iteka kawa, de Ngohi asa tahino, so tanu ngini gena asa Ngohika nipiricaya daputuru. La o hadiah asa Ngohi tinihike nginika ma ngale nioho dede Ngohi ka sidutu ikakali, gena o nyawa moi lo yaakuwa yakoora.