Gogelelo 21:5 - O GIKIMOI AWI JAJI ma BUKU

⁵ Magena de Una o pareta ma kursika womatatami gena asa wotemo, “He! Ngohi asa taaka so o bi moi-moi dangodu damuaneka. Hika o demo moi-moi magena nalefo idoma, sababu o demo-demo dangodu magena igogou so aku popiricaya.

Gogelelo 21:5 Referans Kwoze

2 Korintus 5:17

Ena gena, nakoso o nyawa la kanaga de ma Kristus imarimoika, de igogou ona magena asa imadadi o nyawa yamomuaneka. Ma orasi ona ipiricaya waasi de manga oho idodoma gena ipasa de isisaka, de igogou manga oho damomuane gena yamake daboloka.

Gogelelo 19:9

Dabolo de o malaikat moili wotemo ngohika, “O nyawa la kanaga yakoro de yahino o Duba ma Goho Awi kawi ma rarameka, ona magena igogou de manga sininga isosanangi. Magena hika nalefo. O demo magena ka igogou o Gikimoi Awi demo.”

Gogelelo 22:6

Kagena de o malaikat magena asa ngohika wotemo kali, “O demo moi-moi idomaka magena dangodu igogou so aku popiricaya. O Jou Gikimoi de Awi Gurumi o bi nabi idodoma watudaka, de Una magena lo Awi malaikat moi wasuloka la una asa to Una Awi sosulo-sosulo wasikelelo o bi moi-moi o kia naga o orasi ma simaka jai-jai bato asa idadi.”

Gogelelo 20:11

Kagena de ngohi takelelo kali kanaga o pareta ma kursi daare moi ifoloisi ilamo, de ma dokuka Una womatetengo gena womatamiye. Una Awi simaka o dunia de o soroga gena ihiwaka, sidago lo he pakelelo kawa.

Gogelelo 4:2

De gila-gila o Gikimoi Awi Gurumi ngohi ai sininga wapareta so tamote kali. De kagena o sorogaka takelelo o pareta ma kursi moi ma dokuka Una womatengo womatamiye.

Gogelelo 4:9

Komagena o dodadi iooho magena wisimulia de wisihoromati, de lo manga sukuru yatide Una magena womatetengo Awi pareta ma kursika de woooho ka sidutu ikakali.

Gogelelo 1:19

Duma hika o bi moi-moi nakokelelo magena nalefo kasi, bai o bi moi-moi idadadi o orasi manena naga bai lo o bi moi-moi asa idadadi o orasi ma simaka.

Gogelelo 1:11

de o ili magena itemo, “Yohanes, hika ngona nalefo o bi moi-moi o kia asa nakokelelo. Daboloka, de ani lefo magena nasidingo o gogobu tumudingi o bi kota o Asia ma daeraka, ena gena o Efesuska, o Smirnaka, o Pergamuska, o Tiatiraka, o Sardiska, o Filadelfiaka de o Laodikiaka.”

Gogelelo 5:1

De kagena de ngohi takelelo Una o pareta ma kursika kanaga Awi gia ma girinaka o buku o lolo moi wacohono. O buku magena ma raba de ma dudu dangodu de ma lefoka, de o segel tumudingi gena isigapalaka.

Ibrani 12:27

O demo “ma moili” gena ma ngale o bi moi-moi wosidadadika magena o wange moiku asa wahiti de lo wasisa. So cawali o bi kia naga kiaka yaakuwa yahiti magena asa kanaga ka sidutu ikakali.

Gogelelo 22:19

De lo nakoso o nyawa la o Gikimoi Awi demo manena de kanaga o yosikurangi, de onaka done asa o Gikimoi lo manga gimina maro o kia itemo o buku manena ma rabaka wosikurangi, ena gena wasimahawa o kota datetebika upa yogoge de lo o oho ma gota ma sopo upa yaodo, so yamakewa o oho ka sidutu ikakali.

Lukas 5:38

So o anggur damomuane gena bilasu poguse ma ngihi lo damomuaneku.