Gogelelo 20:11 - O GIKIMOI AWI JAJI ma BUKU

¹¹ Kagena de ngohi takelelo kali kanaga o pareta ma kursi daare moi ifoloisi ilamo, de ma dokuka Una womatetengo gena womatamiye. Una Awi simaka o dunia de o soroga gena ihiwaka, sidago lo he pakelelo kawa.

Gogelelo 20:11 Referans Kwoze

Gogelelo 21:1

Kagena de asa ngohi takelelo he kanaga o soroga damomuane moi de lo o dunia damomuane moi. Sababu o soroga de o dunia idodoma gena ihiwaka, komagena lo o ngoloto.

2 Petrus 3:7

De lo ma ngale o dipa de o dunia o orasi manenaka Una wosulo kali so magena watingaka de wodamaha sidago ma wange yaadoka, la nakoso o nyawa yodupa yaaka o bi moi-moi Una wodudupawa, ona magena done manga dorou ma sopo wafanggali de o dorou. O orasi magenaka de asa o dipa de o dunia manena wosibodito de o uku la ma ngale o bi nyawa ma dorou gena wasisa.

Matius 25:31

“Ngohi o Nyawa ma Duhutu manena done ma orasi Ngohi tahino kali, de Ai kuasa ma buturu asa ifoloi de lo Ai malaikat yangodu-ngodu imoteno. Ngohi asa tomatamiye Ai pareta ikokuasa ma kursika.

Roma 2:5

Duma to ngini nia sininga datogoi so ngini niholu nimatoba de nimatoduba, de Una Awi doosa asa foloi idogo-dogo, sidago ma wangeka done Awi doosa wosimane de o nyawa manga dorou dangodu wafanggali itotiai.

Matius 24:35

So o dipa de o tona asa isisa de dalutu, duma Ai demo de Ai dodoto asa itagi gila-gila de ma dodogu ihiwa.”

Gogelelo 16:20

De lo o bi gura moi-moi dangodu asa isisaka, de o bi tala lo asa ihiwaka idadi ka o pido so damaahika.

Gogelelo 6:14

De o dipa asa iholo de imasisa koloko o jongutu yalolo, de o bi tala de o bi gura moi-moi lo ma rihono ituluruka.

Gogelelo 20:2

So o malaikat magena wotagi watago o naga, eko ma nonomaka gena o ngihia de wisiaso lo o Toka eko o Iblis, una magena de o rate wisipilikuka ma deka o taungu o cala moi gena upa wipalako.

Gogelelo 12:8

Kagena de asa ma naga itura so o naga magena o sorogaka he igoge kawa,

Gogelelo 4:2

De gila-gila o Gikimoi Awi Gurumi ngohi ai sininga wapareta so tamote kali. De kagena o sorogaka takelelo o pareta ma kursi moi ma dokuka Una womatengo womatamiye.

Gogelelo 19:11

De kagena de ngohi takelelo o gogelelo moili tamake kali o soroga ma ngora ipelenga. Kanaga o jara daaare moi de kugena wopapaneku, Una magena wisironga Una Wotetero de Wototiai so aku wipiricaya. Una wahiri itiai o nyawa manga loha de manga dorou ma sopo wafanggali de o loha eko de o sangisara, de lo nakoso o kudoti ma rabaka, o kia naga itiai magena lo Una waaka.

Dodadi 18:25

Ngona o nyawa manga loha de manga dorou ma sopo nahiri de Ani manara naaka onaka gena itotiai. So o nyawa ma dorou dede o nyawa manga sininga itotiai gena ona magena nasisa ka ma moiku, tanu upa komagena bai!”

Matius 11:22

Ngini tinisingangasu igogou, ma wangeka done o bi nyawa manga dorou ma sopo o Gikimoi wafanggali de o dorou, de ngini gena asa inifanggali de o dorou ifoloi ilamo de o dorou o Tirus de o Sidon ma bi nyawa yasifafanggali.

Gogelelo 21:5

Magena de Una o pareta ma kursika womatatami gena asa wotemo, “He! Ngohi asa taaka so o bi moi-moi dangodu damuaneka. Hika o demo moi-moi magena nalefo idoma, sababu o demo-demo dangodu magena igogou so aku popiricaya.