Gogelelo 20:1 - O GIKIMOI AWI JAJI ma BUKU

¹ Kagena de takelelo o malaikat moi kali o sorogaku woutiku. Una awi giaka o busune iluluku-luku ma ngora ma kukuci gena wacohono de lo o rate datotubuso moi.

Gogelelo 20:1 Referans Kwoze

2 Petrus 2:4

O bi malaikat ma dorou lo idomaka o Gikimoi wasisa, ena gena waumo de wabui kagena o naraka gena o busune iluluku-luku de dapopuputuka, ma ngale gena itamaha sidago ma wange yaado done asa manga dorou ma sopo wafanggali de o dorou.

Yudas 1:6

Bilasu niososiningali o bi malaikat lo idomaka kanaga o sorogaka, ma binuka yamote kawa manga kuasa ma manara o Gikimoino de manga goge o sorogaka lo yodongosaka. O bi malaikat magegena Una wabui o riho dapopuputuka de o rate wasipilikuka so imasose lo yaaku kawa. Kagena wacohono, de itamaha sidago ma wange yaado done asa manga dorou ma sopo wafanggali de o dorou.

Gogelelo 18:1

Dabolo de takelelo o malaikat moili o sorogaku woutili. Una wikuasa ilamo, de to una awi nita ileto-leto sidago lo o duniaku yodisiwa.

Gogelelo 10:1

Kagena de ngohi takelelo o malaikat ma somoa moili wonononau, una magena o sorogaku wouti. Una magena o lobi-lobi iwisaono, de awi saheka kanaga o ngawate yalalono, de awi bio ma siwa maro o wange ma siwa de lo awi dohu maro o uku ma golingasu.

Lukas 8:31

Wosangoka, de awi toka gena igolo o Yesuska, la upa wadusu la ikahuku o sone ma riho iluluku-lukuku.

Gogelelo 20:3

Wipilikuka, de wiumo o busune iluluku-luku o dunia ma litimiku, de ma ngora lo una waperesuka eko wakucika, la ma deka o taungu o cala moi gena o nyawa nagoona lo akuwa yapelenga. Magena ma ngale upa o Iblis una o nyawa o duniaka wakulai kali. Ma deka o taungu o cala moi ipasaka, de asa ka o orasi ma cunu bilasu una magena wipalako.