Gogelelo 19:6 - O GIKIMOI AWI JAJI ma BUKU

⁶ Dabolo de ngohi toise kali o ili moi koloko o nyawa yadadala manga ili, eko o selera ma ake de ma deneta ma kuguru, eko lo o diwotu ilalamo ma dupuru, gena itemo, “Hika! O Jou Gikimoi Awi ronga posilamo, sababu Una Wokokuasa de lo o nyawa yangodu wakolano.

Gogelelo 19:6 Referans Kwoze

Gogelelo 14:2

Ato toise o ili moi o sorogano. O ili ma kuguru gena koloko o ake dasosihilo, o diwotu ma dupuru eko koloko o bi kecapi isigoguule ma ili.

Gogelelo 19:1

Dabolo de ngohi toise o kia naga moi maro o nyawa yadadala o sorogaka imanenere, “Awalele! O Gikimoi Awi ronga posilamo. To ngone nanga Jou Una magena o nyawa wasisosalamati, Una lo wisimulia de Awi kuasa ilamo.

Gogelelo 6:1

Manga suba yatideka, de takelelo o Duba ma Goho magena o buku ma segel ma nonoma asa waracaka. Waracaka, de ngohi toise o dodadi ngai iha manga sidongirabano magena o dodadi ma nonomaka ibicara de ma ili ilamo koloko o diwotu idupuru itemo, “Hino nosupusi!”

Gogelelo 1:15

To Una Awi dohu gena ileto-leto lo imatero maro o tembaga kanaga o uku ma rabaka so datebi, de Awi ili ma lamo maro ake o denetaku itutura.

Gogelelo 21:22

Kagena o kotaka asa ngohi tamakewa o Gikimoi Awi Tahu, sababu o Jou Wokokuasa de lo o Duba ma Goho Ona igogoge o kota ma rabaka.

Gogelelo 12:10

O duniaku wiumoka, de ngohi toise o sorogaka o ili ilalamo moi itemo, “Manena ma orasi yaado nanga Gikimoi Awi nyawa masirete wadodara de wasisalamati. Awi kuasa he foloisi ilamo kagena asa Una wisitatapuka ma ngale o dunia ma bi doku dangoduka wokolano. Awi Salamati ma Kolano lo Una wikuasa wosidumuka. Sababu wokokalaki o wange de o putu o Gikimoi Awi simaka wakalaki nanga dodiao ipipiricaya so una magena o sorogano wiumoka.

Gogelelo 8:5

Kagena de o malaikat magena o manyanyi ma ngihi o guracino magena wadehe de kugena ma rabaku o uku ma ngabo wangadoka. Dabolo de o manyanyi ma ngihi de ma raba gena wosipaka o duniaku. Ato toise o kuguru ilalamo de o diwotu ma dupuru, de lo takelelo o tatawi, de o osu lo idadi.

Gogelelo 4:5

De o pareta ma kursi moi ma nonomaka magenano toise o kuguru de o diwotu, de lo takelelo o tatawi. De kagena ma simaka o obor ngai tumudingi isora-sora, ena gena o gurumi ngai tumudingi daloloha o Gikimoi Awi leleleani.

Matius 6:13

Upa nosimaha la o dorou imibaja ngomika, duma nomisirese o dorou ma kuasano. [Sababu Ngona nokolano nokuasa de lo nomulia ka sidutu ikakali. Amin.]’

Gogelelo 1:8

O Jou Gikimoi wotemo, “Ngohi manena Ai kuasa foloisi ilamo, Ngohi gena ma nonomaka de lo ma dodoguka, de asa tooho ka sidutu ikakali, de kanaga tooho o orasi manena, de o orasi idodomasi, de done asa tahino kali.”

Gogelelo 19:4

Magena de o roriri yamonahalo de yaruha de lo o dodadi iooho ngai iha magena ibukuku de manga suba yatide o Gikimoika, Una o pareta ma kursika wotatamiye. De itemoli, “Wewe! O Gikimoi Awi ronga posilamo. Una magena powigiliri igogou.”