Gogelelo 19:4 - O GIKIMOI AWI JAJI ma BUKU

⁴ Magena de o roriri yamonahalo de yaruha de lo o dodadi iooho ngai iha magena ibukuku de manga suba yatide o Gikimoika, Una o pareta ma kursika wotatamiye. De itemoli, “Wewe! O Gikimoi Awi ronga posilamo. Una magena powigiliri igogou.”

Gogelelo 19:4 Referans Kwoze

Gogelelo 5:14

Magena de o dodadi ngai iha magena itemo, “Komagena itero de igogou!” De o roriri ona magena imabukuku de manga suba yatide o Gikimoi de lo o Duba ma Gohoka.

Gogelelo 19:1

Dabolo de ngohi toise o kia naga moi maro o nyawa yadadala o sorogaka imanenere, “Awalele! O Gikimoi Awi ronga posilamo. To ngone nanga Jou Una magena o nyawa wasisosalamati, Una lo wisimulia de Awi kuasa ilamo.

Gogelelo 15:7

So o dodadi iooho ngai iha manga sidongirabano moi o malaikat yatumudingika wahike o udo-udo ngai tumudingi o guracino. De kugena moi-moi ma rabaku kanaga iwedo de o doosa ilalamo, ena gena o Gikimoi woooho ka sidutu ikakali Awi doosa ilalamo.

1 Korintus 14:16

Sababu nakoso ngone nanga sininga ma rabaka kanaga o bi bahasa irupa-rupa o Gurumi Datetebino aku posibicara la o Gikimoi Awi ronga posilamo, de o nyawa yoiise ona magena yaakuwa isimote itemo, “Amin! Igogou de itero!” Sababu ona gena nanga demo ma ngale gena asa yanakowa.

Matius 28:20

Niadoto onaka o bi moi-moi dangodu o kia tinisusulo nginika. De niososininga, Ngohi asa togoge dede ngini o orasi manena de isikahika, ma bati o dunia ma dodoguka.”

Matius 6:13

Upa nosimaha la o dorou imibaja ngomika, duma nomisirese o dorou ma kuasano. [Sababu Ngona nokolano nokuasa de lo nomulia ka sidutu ikakali. Amin.]’

Gogelelo 19:3

Awalele! O Gikimoi Awi ronga posilamo. De o uku o kota ilalamo magena yatupu so daukuka de ma dopo idola, gena itogu-toguwa.”

Gogelelo 19:6

Dabolo de ngohi toise kali o ili moi koloko o nyawa yadadala manga ili, eko o selera ma ake de ma deneta ma kuguru, eko lo o diwotu ilalamo ma dupuru, gena itemo, “Hika! O Jou Gikimoi Awi ronga posilamo, sababu Una Wokokuasa de lo o nyawa yangodu wakolano.