Gogelelo 19:1 - O GIKIMOI AWI JAJI ma BUKU

¹ Dabolo de ngohi toise o kia naga moi maro o nyawa yadadala o sorogaka imanenere, “Awalele! O Gikimoi Awi ronga posilamo. To ngone nanga Jou Una magena o nyawa wasisosalamati, Una lo wisimulia de Awi kuasa ilamo.

Gogelelo 19:1 Referans Kwoze

Gogelelo 11:15

De o malaikat ma tumudingi awi trompet asa wawuwu kali, de kanaga o sorogaka o bi ili ilalamo, de itemo, “Wokokuasa o dunia ma bi doku dangodu gena, wakuasa de wapareta maro o kolano, gena o orasi manena kanaga to ngone nanga Gikimoi Awi gia ma sohaka de lo o Salamati ma Kolano wonasijajajika. Una magena asa wopareta ka sidutu ikakali.”

Matius 6:13

Upa nosimaha la o dorou imibaja ngomika, duma nomisirese o dorou ma kuasano. [Sababu Ngona nokolano nokuasa de lo nomulia ka sidutu ikakali. Amin.]’

Gogelelo 19:6

Dabolo de ngohi toise kali o ili moi koloko o nyawa yadadala manga ili, eko o selera ma ake de ma deneta ma kuguru, eko lo o diwotu ilalamo ma dupuru, gena itemo, “Hika! O Jou Gikimoi Awi ronga posilamo, sababu Una Wokokuasa de lo o nyawa yangodu wakolano.

Gogelelo 12:10

O duniaku wiumoka, de ngohi toise o sorogaka o ili ilalamo moi itemo, “Manena ma orasi yaado nanga Gikimoi Awi nyawa masirete wadodara de wasisalamati. Awi kuasa he foloisi ilamo kagena asa Una wisitatapuka ma ngale o dunia ma bi doku dangoduka wokolano. Awi Salamati ma Kolano lo Una wikuasa wosidumuka. Sababu wokokalaki o wange de o putu o Gikimoi Awi simaka wakalaki nanga dodiao ipipiricaya so una magena o sorogano wiumoka.