Gogelelo 18:10 - O GIKIMOI AWI JAJI ma BUKU

¹⁰ Ma ngale o kota magena ma sangisara ifoloi so ona yamodo de yatirine, so ma soa ikakakuka imaokoye. De ona imatoore itemo, ‘O bodito! O bodito! Kodo! O Babel gena o kota ilalamo de dapoputuru. We! Dadoohaso ma orasi ka o orasi moi ma raba de o Gikimoi wafanggalika to ngini nia dorou so o sangisara ilalamo lo niadoka.’

Gogelelo 18:10 Referans Kwoze

Gogelelo 18:19

Magena de ona iari de idodora kali, de ma ngale manga sininga ma peleso ifoloi poli gena ona manga saheku o gaapo imasihaja, de lo imatoore kali itemo, ‘O bodito! O bodito! Kodo! O Babel o kota ilalamo de dapoputuru. Kagena o deru ma rabaka o nyawa yalalago asa o kaya yamake, sababu manga arata gena idala de ma ija lo ihali. Duma kanaga ma deka cawali o orasi moi de o kota magena lo iturabaka.

Gogelelo 18:8

Manga sininga komagena so ato imatodoka de o bi bodito yatapadu onaka, ena gena o panyake, o sone so yododora, o bare eko o ino ihiwa de lo o uku yasidutupu so yaukuka. Sababu o Gikimoi asa o dorou wasifanggali, Una magena o Jou wipoputuru so aku ona wasisangisara.

Gogelelo 14:8

Kagena de o malaikat ma somoa moili ma sinotoka magena wahino wotuuruno, de wotemo, “He! O Babel o kota ilalamo gena asa he iwaroka. Sababu o kota ma nyawa yangodu gena o nyafusu ma dorou yaakaka, ma ngale magegena o bi soa dangodu ma bi nyawa lo yodupa yaaka gena, maro o nyawa yodupa o dalu yaudo sidago manga dodiao lo yadaluka.”

Gogelelo 17:12

De ma tadu mogiowo nakokeleloka magena o kolano yamogiowo, duma ona ipareta waasi. Ona magena done asa o haiwani ma kuasa yamake la de o haiwani imatekerimoi la ikolano de ipareta ma deka cawali ka o orasi moi.

Gogelelo 11:8

So ona yasinoto manga sone ma bake magena o ngeko o kota ilalamo ma rabaka kagena ka irubasa. O kota magena imatero de o kota kiaka nanga Jou wisasangahadika, so isiade-ade maro o Sodom ma kota eko lo o Mesir ma kota kiaka ona magena o nyawa ma dorou.

Gogelelo 16:19

Kagena de o Babel o kota ilalamo magena asa ileta o regu saangeka, de lo o bangsa o Gikimoi wihoholu manga bi kota dangodu asa irubaka. Sababu o Gikimoi wososininga o kota ilalamo magena manga dorou moi-moi ilamo, so ona bilasu Una Awi doosa foloisi ilalamo yamake, gena maro o dalu dacucuka de damamali yasiudo.

Gogelelo 18:18

o uku o kota Babel yatutupu ma dopo gena ona yakelelo, de imatoore itemo kali, ‘He! O kota moi lo ihiwa imatero maro o kota ilalamo manena.’

Gogelelo 18:21

Kagena de o malaikat wipoputuru moi asa o teto datotubuso moi wadehe de wosipaka womapela-pelaka o ngoloto ma rabaku dalutu, de wotemo, “Maro o teto dalutu komagena lo o Babel o kota ilalamo manena dangodu asa yaturaba so ihiwaka, sidago lo o kota magenaka yamake kawa.