Gogelelo 16:19 - O GIKIMOI AWI JAJI ma BUKU

¹⁹ Kagena de o Babel o kota ilalamo magena asa ileta o regu saangeka, de lo o bangsa o Gikimoi wihoholu manga bi kota dangodu asa irubaka. Sababu o Gikimoi wososininga o kota ilalamo magena manga dorou moi-moi ilamo, so ona bilasu Una Awi doosa foloisi ilalamo yamake, gena maro o dalu dacucuka de damamali yasiudo.

Gogelelo 16:19 Referans Kwoze

Gogelelo 18:5

Sababu o Babel manga dorou magena ilamo, maro o teto patopu so itopu ifoloi sidago he yaado o dipaye. So o Gikimoi wososininga so bilasu manga dorou magena wosifanggali de o sangisara datotubuso.

Gogelelo 18:10

Ma ngale o kota magena ma sangisara ifoloi so ona yamodo de yatirine, so ma soa ikakakuka imaokoye. De ona imatoore itemo, ‘O bodito! O bodito! Kodo! O Babel gena o kota ilalamo de dapoputuru. We! Dadoohaso ma orasi ka o orasi moi ma raba de o Gikimoi wafanggalika to ngini nia dorou so o sangisara ilalamo lo niadoka.’

Gogelelo 17:18

O ngopedeka nomikokelelo muna magena maro o kota ilalamo moi so yapareta o bi kolano yangodu o duniaka.”

Gogelelo 18:21

Kagena de o malaikat wipoputuru moi asa o teto datotubuso moi wadehe de wosipaka womapela-pelaka o ngoloto ma rabaku dalutu, de wotemo, “Maro o teto dalutu komagena lo o Babel o kota ilalamo manena dangodu asa yaturaba so ihiwaka, sidago lo o kota magenaka yamake kawa.

Gogelelo 18:2

Woutiku de womatoore womaili-ilika wotemo, “He! O Babel o kota ilalamo magena ituraba de ibiau daboloka. Kagena naga o bi gurumi ma dorou de o bi namo maro o kawi de o kodoba yangodu yahino, kagena de o bi sone ma bake magena yaodo.

Gogelelo 17:5

Ami bioka kanaga yalefo o ronga moi, ngaroko magena o nyawaka yasimane waasi itemo: Manena o Babel o kota ilalamo kanena o bi nyawa o duniaka o nyafusu ma dorou de o made yaaaka gena scimatero maro to ona manga ake de manga nao.

Gogelelo 11:8

So ona yasinoto manga sone ma bake magena o ngeko o kota ilalamo ma rabaka kagena ka irubasa. O kota magena imatero de o kota kiaka nanga Jou wisasangahadika, so isiade-ade maro o Sodom ma kota eko lo o Mesir ma kota kiaka ona magena o nyawa ma dorou.

Gogelelo 17:1

Dabolo de o malaikat o udo-udo iaaho yatumudingi magena manga sidongirabano moi wahino ngohino, de wotemo, “Nahinosi, la ngohi tonisikelelo ngonaka idodooha o Gikimoi asa wafanggali de o sangisara o ngopedeka mosusundali, muna magena milalamo de mogogogeku o ake de o selera idala ma dateka.