Gogelelo 16:13 - O GIKIMOI AWI JAJI ma BUKU

¹³ Kagena de ngohi takelelo o toka ngai saange ma jamani koloko o bi pedeke. De ona moi-moi magena o naga ma uruno, de o haiwani ilalago ma uruno, de lo o nabi wokokulai awi uruno isupu.

Gogelelo 16:13 Referans Kwoze

Gogelelo 19:20

Kagena de asa o haiwani magena de lo o nabi wokokulai ona magena yatagoka. O nabi wokokulai gena una o nonako ihahairani o haiwani magena ma simaka waakaka. Komagena o bi nyawa o haiwani ma nonako yamamake de lo o giki yatotulada yasusuba ona magena yakulaika. So o haiwani de lo o nabi ona magena asa Una o jaraku wopapane ka waumo o uku ma talaga ma rabaku la yatupu de o walira.

Gogelelo 20:10

De lo o Iblis wakokulai una magena asa wiumoku o uku ma talaga ma rabaka, so wisidutupu de o walira. Kugena lo o haiwani ilalago de o nabi wokokulai ona lo yaumo dabolo. Komagena so ona magena o putu de o wange asa yasangisara sidago ka sidutu ikakali.

Gogelelo 18:2

Woutiku de womatoore womaili-ilika wotemo, “He! O Babel o kota ilalamo magena ituraba de ibiau daboloka. Kagena naga o bi gurumi ma dorou de o bi namo maro o kawi de o kodoba yangodu yahino, kagena de o bi sone ma bake magena yaodo.

Gogelelo 16:14

Ena gena, o toka lo aku o nonako ihahairani yaaka. Ona magena itagi o dunia ma bi kolano yangodu yatolomu ma ngale o Gikimoi Wokokuasa Awi Wange ilalamoka de ona imatekekudoti.

Matius 7:15

“Nimasidodiahi, sababu o bi nabi ikokulai. Ona magena imatero maro kanaga o nyawa o Gikimoi iwipipiricaya duma ona ikokulai, so manga edekati datorou la o nyawa manga piricaya gena yasisa.