Gogelelo 16:10 - O GIKIMOI AWI JAJI ma BUKU

¹⁰ So o malaikat ma motohaka awi udo-udo ma raba magena o haiwani ilalago ma pareta ma rihoku gena wakopola kali. De tomatodoka o haiwani ma bi nyawa yapopareta o duniaka manga goge dangodu gena idadi dapuputuka. So o bi nyawa magena lo asa yasiri ifoloi sidago manga lade lo yagoli.

Gogelelo 16:10 Referans Kwoze

Gogelelo 9:2

Kagena de o ngoma magena ma ngora ma boberesu yapelenga, de ma rabano o dopo isupu koloko o kalero ilalamo moi ma dopo. Ma dopo ilamo sidago lo o wange de o ngawa-ngawa dangodu lo dapuputuka.

Matius 8:12

Igogou, bilasu o bi Yahudika ma nyawa asa idadi o Gikimoi Awi nyawa la Awi pareta ma rabaka iwosa. Duma yadala asa yasidoperesu ma duduka de yaumo o bubutu ma rabaka eko o naraka, kiaka ona asa yoari de lo yasangisara.”

Gogelelo 18:23

De lo kanaga pakelelo kawa o silo ma sora, eko lo poise kawa o kawi ma rarame. Maro komagena imadadi sababu o kotaka imasiiija o dunia ma rabaka ona gena ifoloisi yolamo, de ona magena kanaga de manga alamu moi-moi daloloha ona yasihaga o nyawa yangodu o dunia ma bi dokuka so ona lo o Gikimoi he iwidupa kawa, duma ka o arata yodupa.

Gogelelo 17:17

Sababu o Gikimoi to ona manga siningaka waaka so ona asa imatekesikomote Una Awi edekati yaaka la manga kuasa yahike o haiwani magenaka, sidago lo o moi-moi o kia Una wotetemo gena dangodu idadika so o Babel isisaka.

Matius 22:13

Kagena de ma kolano wasulo wileleleanika wotemo, ‘Una awi dohu de awi gia niapiliku de niwiumo ma duduka o bubutu ma rabaka eko o narakaka, kiaka o nyawa yoari de lo yosangisara.’ ”

Gogelelo 18:21

Kagena de o malaikat wipoputuru moi asa o teto datotubuso moi wadehe de wosipaka womapela-pelaka o ngoloto ma rabaku dalutu, de wotemo, “Maro o teto dalutu komagena lo o Babel o kota ilalamo manena dangodu asa yaturaba so ihiwaka, sidago lo o kota magenaka yamake kawa.

Lukas 13:28

O orasi magena de ngini asa niari de lo nisangisara, sababu ngini asa niakelelo o Abraham, o Ishak, de o Yakub, de lo o bi nabi yangodu ona magena kanaga yogoge o Gikimoi Awi pareta ma rabaka, salanta ngini masirete o ngora nisidoperesu so nigoge ka ma duduka.

Matius 24:51

Done woleleleani magena awi tuangi asa wingangapo wisangisara de wiumo ma duduka, wiaka maro wokokulai moi. Kagena una asa woari de lo wosangisara.”

Gogelelo 17:9

Ngona bilasu kanaga ani sininga ma rabaka de nicawaro la nosidodogu o haiwani ma sahe tumudingi magena koloko o tala tumudingi so kagena ma dokuka o ngopedeka muna magena mogogeku. De lo ma sahe tumudingi magena koloko o kolano yatumudingi.

Matius 13:50

Dabolo de o bi nyawa ma dorou ona magena yaumo o uku isosora-sora ma rabaku, kiaka ona asa yoari de lo yosangisara.”

Matius 13:42

Ona yangodu asa yaumo o uku isosora-sora ma rabaku, kiaka ona asa yoari de lo yosangisara.

Gogelelo 18:2

Woutiku de womatoore womaili-ilika wotemo, “He! O Babel o kota ilalamo magena ituraba de ibiau daboloka. Kagena naga o bi gurumi ma dorou de o bi namo maro o kawi de o kodoba yangodu yahino, kagena de o bi sone ma bake magena yaodo.

Gogelelo 11:10

De o orasi magena o nyawa o duniaka igogoge, ona yangodu o nabi manga sone yakokelelo gena, ona asa yanali de imore so irarame, sababu idomaka o nabi yasinoto ona magena o nyawa o duniaka gena yasisangisaraka.

Gogelelo 11:8

So ona yasinoto manga sone ma bake magena o ngeko o kota ilalamo ma rabaka kagena ka irubasa. O kota magena imatero de o kota kiaka nanga Jou wisasangahadika, so isiade-ade maro o Sodom ma kota eko lo o Mesir ma kota kiaka ona magena o nyawa ma dorou.

Gogelelo 11:2

Naaka komagena duma o Gikimoi Awi Tahu ma loloha upa natuga. Sababu magena asa o bi bangsa ma nyawa o Gikimoi wipipiricayawa gena wahikeka, so done asa ona o Yerusalem eko o kota datetebi magena itagi yakokiloli de iruwahe ma deka o ngoosa moruha de sinoto. De ma deka o wange 1,260 o nabi yasinoto Ngohi tasitotatapuka ona magena asa o Gikimoi Awi demo yasingangasu. Ona magena o sone ma baju imasitibaku maro o sone ma nonako moi o kota magegenaka.”

1 Petrus 2:17

De bilasu ngini gena o nyawa yangodu niahoromati itiai. De nanga dodiao ma Kristus wipipiricaya ona magena bilasu niadodara. De lo bilasu nia kolano wilalamo niwihoromati, de bilasu ifoloisi niwisihoromati daloha o Gikimoika.

Gogelelo 8:12

Dabolo de o malaikat ma ihaka awi trompet wawuwu kali, de kanaga o wange de o ngoosa imatero maro o naga yalowola so komagena o wange de o ngoosa ma siwa irongoka, de komagena lo o bi ngoma ma siwa daoroka.