Gogelelo 14:6 - O GIKIMOI AWI JAJI ma BUKU

⁶ Kagena de ngohi takelelo o malaikat ma somoa moili una magena wososo o ngawa-ngawaku wouti, de waaho o Gikimoi Awi habari daloloha gena isihabari ka sidutu ikakali. Waaho la ma ngale wasihabari o bi nyawa igogoge o duniaka, ona magena o bi bangsa moi-moi, o bi soa moi-moi, de lo o bi bahasa moi-moika.

Gogelelo 14:6 Referans Kwoze

Markus 16:15

So kagena de Una wasulo onaka, “Nitagi ma bati o bi doku o dunia ma ngoguka, de nisihabari o habari daloloha o Gikimoino ma meta o dunia ma nyawaka.

Gogelelo 8:13

Kagena de ngohi takelelo kali o namo muludu moi isososo o ngawa-ngawako, de toise ma ili ilamo itemo, “O bodito! O bodito! Kodo! O bodito datotorou foloi ilamo asa yadahe o nyawa igogogoge o duniaka, sababu o orasi manena asa o malaikat yaruwangeli manga trompet magena yawuwu.”

Gogelelo 3:10

Ai dodoto nginika gena, ngaroko o sangisara ma rabaka, duma niopiricaya daputuru. So ma orasi he iteka kawa o nyawa yangodu yabaja, de o Gikimoi asa watailako de wafanggali o nyawa wihoholu o dunia ma bi dokuka gena, Ngohi manena dabolo asa ngini tinijaga de tinisiputuru. Upa sidago Ai lawangi nibaja de ngini lo Ngohi he nipiricaya kawa.

Roma 16:25

Tosihabari ma ngale o Gikimoi, Una gena aku ngini winisiputuru ma ngale niapiricaya o Jou Yesuska foloisi daputuru. Komagena aku Una waaka ma orasi o habari daloloha asa ngohi tosihabarika eko o dodoto itotiai ngomi misimaneka. Gena o habari ma ngale o Yesus Kristus, eko lo o dodoto itotiai kiaka idodoma o dunia wosidadi waasi so o Gikimoi wosimane waasi,

2 Tesalonika 2:16

So ngomi migolo tanu nanga Jou Yesus Kristus Una masirete de o Gikimoi nanga Baba asa nia sininga isiputuruli de lo iniriwoli, la ngini o moi-moi daloloha dangodu aku niaaka de nisibicara. Sababu o Jou Yesus asa ngone wonadodara, de nanga sininga wosiputuru, de lo Awi laha ngone wonahikeka la aku nanga ngongano foloi daputuru.

Gogelelo 13:7

De o haiwani magena isimahaka o Gikimoi Awi nyawa yakudoti de yalawangi sidago lo yaturaka. De lo aku yapareta de yakuasa o bi nyawa ona o bi bangsa moi-moika, o bi soa moi-moika, de lo o bi bahasa moi-moika.

Ibrani 13:20

Ngone nanga Jou Yesus Una magena Awi au ikopola gena, isiputuruka o Gikimoi Awi jaji kiaka ikokakali ngoneka. Una gena o Gikimoi asa o sone ma rabano wisioho kali de Una wodadi o Sowohi Wilalamo, de ngone gena Awi duba-duba wajojajaga. Komagena so ngohi togolo o Gikimoika, Una o sanangi ma gola, tanu Una masirete

Kolose 1:23

Ngini asa nitebika, hitilahi o dodoto itotiai gena ngini niapiricaya daputuru sidago lo nia piricaya gena nisitatapu igogou. Upa sidago nia ngongano o dodoto itotiai inisihohabarika gena ngini niodongosa. O dodoto itotiai magena isihabari dabolo o nyawa yadadala o dunia ma dokuka, de ma ngale o dodoto magena ngohi manena Paulus lo ai manara tosihohabari moi.

Matius 10:27

So o kia naga Ngohi tosingangasuka, de ngini la nimatengo niiseka, magena ngini lo o bi nyawa moi de moika niasingangasu. De lo o kia naga Ngohi ka tinigogurubu nginika, magena ngini asa niasihabari o bi nyawa yangoduka.

Gogelelo 10:11

Dabolo de isulo ngohika, “Ngona gena bilasu nasingangasu kali o Gikimoi Awi demo manena ma ngale o bi bangsa moi-moika, de o bi soa moi-moika, o bi bahasa moi-moika de lo manga kolano yangoduka.”

Dodadi 1:6

Kagena de o Gikimoi wotemo kali, “He! Ake nimaritinga de nidadi o ake ngai sinoto.”

1 Petrus 1:25

Duma o Jou Awi demo gena itiai de ikokakali.” O kia naga o Jou wodedemo magena o habari daloloha ma ngale o oho ka sidutu ikakali aku pamake, maro kiaka inisihohabari nginika.

Gogelelo 5:9

De ona kagena yangodu inyanyi gena o nyanyi damomuane moi itemo, “Ngona notiai o buku o lolo moi nadehe ma segel-segel gena aku naraca. Sababu Ngona gena nitoomaka Ani au ikopola sidago nosone. Ma ngale lo o Gikimoi yangodu Ngona naija o nyawa ona manga sihino o bi bangsa o dunia ma gilolino o bi soa moi-moi lo de lo o bi bahasa moi-moino.

Gogelelo 10:7

Kanaga o malaikat ma tumudingika done ma orasika awi trompet magena wawuwu, de o Gikimoi Awi edekati waiihu gena asa waaka ma ngale Awi dupa wosiboloka. Awi edekati magena imatero de o kia wasingangasu Awi sosulo-sosuloka, ena gena o bi nabi-nabika.”