Gogelelo 1:17 - O GIKIMOI AWI JAJI ma BUKU

^17-18 So ma orasi Una ngohi towikelelo, de ngohi asa tobukuku de tosuba to Una Awi simaka, tobicara taakuwa de tomomi lo taakuwa koloko o nyawa isosone. Kagena de Una Awi gia ma girina wahado ngohiku, de wotemo, “Ngohi manena o oho ma nonomaka de lo ma dodoguka asa ka tooho sidutu ikakali. Sababu Ngohi lo Una Woooho so ngaroko idoma tosoneka, duma Ngohi gena asa tooho ka sidutu ikakali. Ngohi tapareta o sone ma buturu de lo o nyawa manga sone ma orasi. Komagena so, ngaroko, ngona upa nimodo.

Gogelelo 1:17 Referans Kwoze

Gogelelo 22:13

Ngohi manena Ai kuasa ma bati lo ihiwa, de Ngohi manena kanaga ma nonomaka, de lo ma dodoguka de asa tooho ka sidutu ikakali.

Gogelelo 2:8

“Bilasu o surati moi nalefo kali de nosidingo o gogobu o Smirnaka de to ona manga bobaretaka nosingangasu: Ngohi manena o oho ma nonoma de lo ma dodogu, de ngaroko tosoneka, duma tooho kali. De o demo manena gena Ngohi tinisingangasu nginika.

Gogelelo 1:8

O Jou Gikimoi wotemo, “Ngohi manena Ai kuasa foloisi ilamo, Ngohi gena ma nonomaka de lo ma dodoguka, de asa tooho ka sidutu ikakali, de kanaga tooho o orasi manena, de o orasi idodomasi, de done asa tahino kali.”

Gogelelo 1:11

de o ili magena itemo, “Yohanes, hika ngona nalefo o bi moi-moi o kia asa nakokelelo. Daboloka, de ani lefo magena nasidingo o gogobu tumudingi o bi kota o Asia ma daeraka, ena gena o Efesuska, o Smirnaka, o Pergamuska, o Tiatiraka, o Sardiska, o Filadelfiaka de o Laodikiaka.”

Matius 28:4

So o bi prajurit kagena yojojajaga gena yamodo imasidotirineku, sidago yaaku kawa imaoko so ona idadi maro ka o nyawa isosone.

Dodadi 15:1

O bi moi-moi idadi gena ipasaka, de o Abram asa o gogelelo moi wamake, de o Jou wotemo unaka, “Abram, upa ngona nimodo. Done Ngohi asa tonisirese o bodito ma rabano, de tonihike o loha ma fanggali foloisi ilamo.”

Yohanes 21:20

De kagena o Petrus womakiliho manga duduno de wikelelo o muri moi kanaga wototuuru. Una magegena o Yesus wisiboboso, de ipapasaka ma orasi o odo ma rabaka, de wotamiye o Yesus Awi dateka de wotemo, “Jou, naguuna done asa Ngona wonisidoa Ani lawangika.”

Yohanes 13:23

De kanaga o muri moi, una o Yesus Awi dodiao widododara gena, womatamiye o Yesus Awi dateka,

Matius 14:27

Duma gila-gila Una waaso de wotemo, “Eh, hika nia sininga niapoputuru! Ngohi manena o Yesus so upa nimodo!”

Matius 28:5

O malaikat magena wotemo o bi ngopedeka magenaka, “Upa nimodo! Ngohi tininako ngini niwisari o Yesus, kekiaka Una wisisasangahadika gena.

Gogelelo 1:4

Ngini o gogobu tumudingi o Asia ma daeraka. Ngohi Yohanes. Tanu o laha ifoloi nidogo nginika so nia sininga ma rabaka foloi isanangi, ma ngale magegena so ngohi togolo o Gikimoika, de o gurumi ngai tumudingi, de lo o Yesus Kristus. Sababu o Gikimoi kanaga o orasi manena de Una lo kanaga o orasi idodomaka de sidago lo o orasi ma simaka done wouti kali, de o gurumi ngai tumudingi magena o Gikimoi Awi pareta ma kursi ma simaka ileleani,