Filipi 4:5 - O GIKIMOI AWI JAJI ma BUKU

⁵ So o orasi isigeto-geto lo hika ngini de nia sabarika la niadodara o bi nyawa yangoduka. Upa niawosa iteka kawa de o Jou asa wahino kali.

Filipi 4:5 Referans Kwoze

Matius 6:25

“Kanaga de ma sababu so Ngohi totemo nginika, upa nihawateri eko nitemo, ‘O kia asa poodo de poudo.’ Upa he nihawateri eko nitemo, ‘O baju kia asa pomasipake.’ Sababu ngini nia oho ma ngale ilamo gena upa o ino de o baju.

Titus 3:2

De ona bilasu o nyawa ma somoa moi lo upa yasibicara datorou de upa lo imakangamo. Duma ona bilasu de manga sabari ilamo la o bi nyawa yadodara de lo bilasu o orasi isigeto-geto manga sininga damuudu o bi nyawaka.

Ibrani 10:37

Sababu to Una Awi Jaji ma Buku ma rabaka isilefoka itemo, “Ka o orasi ma cunusi, Una done wahihino gena igogou asa wahino kali, de Una upa he wotamaha.

1 Petrus 4:7

O dunia ma dodogu gena he yaadoka. Komagena so hika to ngini nia nyafusu niapareta daloha de lo nia siningaka niatuga itiai la foloi nia sumbayang lo aku niatide.

1 Korintus 6:7

To ngini nia galaki magena maro o nonako moi la igogou ngini gena, nia gogoho gena, imaterowa de o bi nyawa o Jou Yesus wimomote. Nakoso o nyawa la kanaga nginika o sala moi inigaka eko lo inisirugi gena, dadoohawa. Lebelaha ngini gena niadohaka la inisirugika, duma upa sidago nia dodiao ipipiricaya gena niakalaki o hakim manga simaka.

Ibrani 10:25

Upa sidago ngone podupa kawa pomatolomuno la posumbayang, maro o nyawa yamuruo naga yaakasi. Ngone bilasu igogou pomatolomuno so moi de moika aku pomatekesiputuru de ma boloika, sababu panako ma orasi he idumuka o Yesus Kristus Awi wange imasidiado.

Gogelelo 22:7

O Yesus watemo, “He! Niisesi! Itekawa de Ngohi manena asa tahino. So o nyawa nakoso o buku manena ma rabaka o Gikimoi Awi demo yosingongangasu gena yodupa yacoho de yaaka, de ona magena asa ka yososanangi.”

1 Korintus 8:13

So nakoso o ino ngohi taodo de komagena ngohi ai dodiao ipipiricaya kanaga o dorouku tasitura, de upa sidago o ino magegena ngohi toodoli. So tasitura gena ngohi toholu bai!

Matius 6:34

So ma ngale ilangika gena o kia naga moi lo upa o wange manena de nisihawateri. O wange manena maena ma susa masirete gena yaadoka, so upa sidago o kia naga ilangi ma susa niosininga gena he niodogoli.”

Gogelelo 22:20

O Jou Yesus o bi moi-moi idomaka wosingongangasuka, Una magena wotemo, “Igogou de itero, iteka kawa de Ngohi manena asa tahino.” De ngohi manena, Yohanes, totemo, “Iya, Jou Yesus, komagena bato. Tanu nahinoka.”

1 Petrus 1:11

Kanaga ma Kristus Awi Gurumi manga sininga ma rabaka wasingangasu onaka, Una done asa o sangisara widahe de ma duuruka lo asa o loha widahe ifoloisi idala. So magena muruoka de ma dongoho kiaka ona yodupa yanako, so ona yatailako isidodiahi.

1 Korintus 9:25

Nako o nyawa la kanaga o goguule ma rabaka, ona magena bilasu imadoto isidodiahi la manga rohe yapareta daputuru. Komagena ona yaaka la done yamake o hadiah, ngaroko o moi-moi magena ikakaliwa. Duma ngone manena kanaga pomadoto pomasidodiahi nanga rohe papareta daloha, la aku pamake o hadiah kiaka isisisawa, duma ka ikokakali.

2 Tesalonika 2:2

Duma nakoso kanaga o habari itemo la o Jou Yesus Awi hino ma wange gena imasidiadoka, ngomi migolo nginika la upa he cai-cai nisawangi de nia sininga ma rabaka iruwahe, ngaroko o nyawa itemo o habari magena igogou o Gurumi Datetebi womisingangasu dabolo ngomika, eko itemo ngomi masirete misibicara daboloka, eko itemo ngomi o surati ma rabaka mialefo lo daboloka.

Lukas 21:34

“Nimajaga daloha, upa sidago ngini nirame-rame ifoloi de nidalu, eko o orasi isigeto-geto niosininga ka nia oho o duniaka, sidago done Ai wange Ngohi tahino kali gena inisitodokano de ngini nimasidailako waasi.

1 Korintus 16:22

O nyawa la kanaga o Jou Yesus widodarawa, ona magena o Gikimoi bilasu wakutuku. Maranata, mia Jou, nahino!

2 Korintus 10:1

Ai dodiao nipipiricaya, manena ngohi, Paulus, o kia naga moi tinibaja de togolo nginika. Kanaga o nyawa ma binuka kagena itemo, ngohi ai surati ma rabaka tolelefo gena tobarani, duma nakoso ngohi de ngini pomakisimaka de ngohi ka tomahadoku, maro imodo de ai barani ihiwa ma ngale tobicara nginika. So maro ma Kristus Awi sininga damuudu, komagena ngohi lo ai sininga damuudu,