Filipi 4:12 - O GIKIMOI AWI JAJI ma BUKU

¹² Ngohi tanakoka idodooha nakoso ngohi tokurangi de tosusa, eko de ai boloika eko de maena, kanaga ma rabaka dangodu ka tosanangi.

Filipi 4:12 Referans Kwoze

Matius 11:29

Hika niamoku o gina kiaka Ngohi tinisimomokuka, de lo o dodoto Ngohino nigolo, de ngini asa nimarimoi daloha de o Gikimoi. Sababu Ngohi manena Ai sininga damuudu de lo Ai duhudu ihiwa nginika.

2 Korintus 11:27

To ngohi ai gia ma manara gena foloi ilamo de datubuso. Ma para idala idadiwa ngohi tomaidu, toodo, eko toudo. Ma para idala lo ngohi isapi, ialo, de lo ai baju ikurangi.

2 Korintus 11:9

O orasi magenaka ngaroko ngohi kanaga de ai kurangi, lebelaha upa he o pipi togolo nginika. Sababu ai kurangi o kia bato gena o nyawa ipipiricaya ona magena o Makedonia ma daeraka de yahino asa ihike ngohika. Ngohi tomajaga la o orasi magena upa nginika togolo, ma ngale ngini gena upa he tinisitubuso. Orasi manena de isikahika, ngohi lo asa taaka komagena, la upa nginika togolo.

2 Korintus 11:7

Ma orasi idomaka ngohi o habari daloloha tinisihabari nginika, de ngohi asa ma moi waasi o gaji sutu togolo nginika. Ngohi tomahadoku la asa o manara ma somoa tomasari la ngini gena aku nia dorou ma rabano tinitide. Awadede! Komagena de ngini nitemo ngohi gena isala.

2 Korintus 10:10

Sababu kanaga o nyawa ma binuka ngohi isibicara itemo, “To una awi surati ma rabaka kanaga awi demo dadoto de daputuru, duma nako una masirete kanaga nanga sidongirabaka de, cedeke, una awi buturu ikurangi de lo wobicara gena wanakowa.”

2 Korintus 10:1

Ai dodiao nipipiricaya, manena ngohi, Paulus, o kia naga moi tinibaja de togolo nginika. Kanaga o nyawa ma binuka kagena itemo, ngohi ai surati ma rabaka tolelefo gena tobarani, duma nakoso ngohi de ngini pomakisimaka de ngohi ka tomahadoku, maro imodo de ai barani ihiwa ma ngale tobicara nginika. So maro ma Kristus Awi sininga damuudu, komagena ngohi lo ai sininga damuudu,

Matius 13:52

Kagena de Una lo wotemo onaka, “Nako komagena, de kanaga o ade-ade moili komanena: Nakoso o guru agama moi kanaga wogolo la o dodoto ma ngale o Gikimoi Awi pareta gena widoto, de o guru agama magena aku wisitero maro o tahu ma duhutu moi, ena gena awi kaya eko awi arata magena ma ngihino wosisupu de wasikelelo awi arata damomuane de lo awi arata idodoma.”