Filipi 4:11 - O GIKIMOI AWI JAJI ma BUKU

¹¹ Ngohi tinidedemo komagena nginika, upa de ma sababu ngohi ai oho ma kurangi ilamo, duma ma sababu ngohi tomadoto daboloka la o kia de maena, magena ngohi tosanangika.

Filipi 4:11 Referans Kwoze

Filipi 3:8

De upa ka o bi moi-moi magegena ngohi he tacoho kawa, duma o orasi manena o bi moi-moi ma somoasi la nakoso isimahawa ngohi ma Kristus towipiricaya, dangodu magena tamalo maro o rugi ilalamo moi ngohika. Ka ma ngale Yesus Kristus to ngohi ai Jou igogou ngohi towinakoka, de komagena la ngohi asa o kia naga moi tamake foloisi ilamo Unaka. Ma ngale Una magegena so o bi moi-moi dangodu magena ai rugi moi de imatero maro ka o remo moi ai simaka, la ma ngale ngohi aku Una magena igogou towimake

2 Korintus 9:8

De o Gikimoi de Awi kuasa aku ngini winidogo o bi moi-moi daloloha gena dangodu, so nginika o kia naga ikurangi gena dangodu niamake sidago nia kurangi moi lo asa ihiwa. La o bi loha moi-moi gena dangodu ngini aku niaaka ma ngale o nyawa niariwo.

2 Korintus 6:10

Kanaga ngomi gena mia sininga ipeleso, duma kanaga o orasi isigeto-geto lo ngomi mia sininga ka danali. Kanaga ngomi gena o nyawa isususa, duma kanaga lo ma ngale ngomi o Gikimoi Awi laha gena misihabari o nyawa yadadalaka, so ona aku idadi maro ikakaya. De kanaga lo ngomi gena maro o kia-kiawa miamake, duma kanaga ngomi lo o bi moi-moi dangodu de maena o Gikimoi womisitodihike so daboloku idadi ka to ngomi masirete.

2 Korintus 8:9

Upa ngohi ngini tinisulo, sababu ngini masirete nianako nanga Jou Yesus Kristus Awi laha gena ilamo poli ngoneka. Ngaroko o sorogaka Una igogou wokaya, duma Awi kaya gena dangodu ka wapalako ma ngale womadadi o nyawa wosususa moi. Komagena waaka la ngone gena aku o Gikimoi Awi simaka asa podadi pokaya.

Ibrani 10:34

O nyawa ma ngale o Yesus wipiricayaka so yabubui, ona magena lo ngini niasayangi de niariwo. De lo ma orasi nia arata o nyawa yakoora, de ngini ka ninali, sababu nianako ngini de nia arata kadaku o sorogaka ifoloi daloloha de ka sidutu ikakali.

2 Korintus 11:27

To ngohi ai gia ma manara gena foloi ilamo de datubuso. Ma para idala idadiwa ngohi tomaidu, toodo, eko toudo. Ma para idala lo ngohi isapi, ialo, de lo ai baju ikurangi.

Lukas 3:14

Kanaga lo o bi prajurit yahino iwisano unaka, “Nako ngomi gena o kia bilasu miaaka.” De una wotemo, “Upa o nyawa niagegego la manga arata inisidoa, de lo upa nia galaki itiaiwa ma ngale o nyawa manga pipi inihike. Idodooha nia gaji ma lamo gena ka niadehe de nia sininga isosanangi.”

Dodadi 28:20

Dabolo de o Yakub awi sasi waaka o Gikimoika, de wosumbayang wotemo, “Nakoso igogou Ngona asa noidodiao de noitaru ai dodagi ma rabaka manena, de o ino noihike la aku toodo de o baju noihike la aku tapake,