Filipi 3:7 - O GIKIMOI AWI JAJI ma BUKU

⁷ Ngaroko komagena, o bi moi-moi magegena idomaka ngohi tamote de totemo de ma faida, duma igogou dangodu magena ngohi ifati so taaku waasi towipiricaya ma Kristus, so o orasi manena de totemo ngohi torugi so ma ngale magena tacoho kawa la aku ma Kristus igogou towinako.

Filipi 3:7 Referans Kwoze

Lukas 14:33

So komagena lo ngini, nakoso o bi moi-moi nginika gena dangodu niapalako waasi, de yaakuwa ngini magena nidadi to Ngohi Ai nyawa imomote.”

Matius 16:26

Ngaroko o nyawa moi o dunia de ma raba manena he dangodu ka to una, duma dangodu magena ma faida ihiwa, nakoso ma duuru una wamakewa o oho ka sidutu ikakali. Sababu o oho ka sidutu ikakali gena niamakewa de o guraci de o salaka nisitagali, eko lo akuwa niaija de o pipi.

Lukas 14:26

“O nyawa nagoona la Ngohi imote, duma manga siboso Ngohika gena ifoloiwa de manga siboso manga babaka, eko manga awaka, de manga pedeka, manga ngopa-ngopa, manga gianongoru, manga awabira eko lo manga rohe masireteka ona magena idadiwa to Ngohi Ai nyawa imomote.

Dodadi 19:17

Yasisupu o kotano, de gila-gila o malaikat moi gena itemo, “Taika niloda! Upa sidago nisone. Niloda de upa lo nimakiliho nia duduka. De upa lo nimatogu o ponga ma pidoka. Hika idake o talaye niloda la upa ngini nisone bai!”

Lukas 16:8

Una awi arata ma jojaga, awi sininga itotiaiwa gena, o bi moi-moi kiaka waaakaka magena, wokakaya woise de una ka wisigiliri, sababu igogou una magena wocawaro wosidailako ma ngale awi oho o orasi ma simaka. Sababu o bi nyawa o Gikimoi wihoholu de manga oho yaaturu de manga dodiao, ona magena yocawaro ifoloi de o bi nyawa kiaka o Gikimoi Awi nitaka yogogoge, duma yocawarowa, sababu imasidodiahiwa yaaturu ma ngale manga oho o orasi ma simaka kagena o sorogaka.

Dodadi 19:26

O Lot ma pedeka muna magena mosiningawa o malaikat ma beseso so muna momakiliho ami duduka, de momaginano. So o orasi magena dabolo de, kodo, muna modadi koloko o golingasu moi gena koloko o gasi datotogoika.

Rasul 27:38

Mingodu ngomi miodo so mipunuka, dabolo de o deru ma nyawa ona magena o gandum o deru ma rabaka isisupu de yatide so o teoku youmoka ma ngale manga deru daguui la ibao.

Ibrani 11:26

Una o arata o Mesir ma tonaka gena woholu wamake de waetoka ifoloi daloha wosangisara, sababu imatero de o Salamati ma Kolano, kiaka o orasi ma simaka asa Una womasidiado. Sababu una o Musa gena womasosininga awi piricaya ma fanggali o sorogaka done o orasi ma duuruka de wamake.

Markus 10:50

Kagena de o nyawa wopipilo magena awi baju wosipaka de tai-tai womaoko so wotagi o Yesuska.