Filipi 3:19 - O GIKIMOI AWI JAJI ma BUKU

¹⁹ Ona magena done asa o Gikimoi waumo o narakaku ma bati ka sidutu ikakali. Sababu ona magena o Gikimoi Awi dupa gena yaakawa duma ona manga rohe ma nyafusu gena yodupa yaaka. De o bi moi-moi inasimamade magena ona yaaka de imacaralamo so manga giliri isimane. De lo ona manga siningaka moi-moi imatero de o nyawa o Gikimoi iwihoholu.

Filipi 3:19 Referans Kwoze

Roma 16:18

Sababu o nyawa maro ona magegena igogouwa nakoso itemo ma Kristus nanga Jou wileleani, duma ka to ona manga dupa masirete gena imasisanangika. De manga babaja gena ma demo damuti la yakulai de o nyawa yasihaga.

2 Petrus 2:3

Ona o guru ikokulai magena o pipi yodesere so de manga demo ikokulai ngini inisihaga la ma ngale o kaya yamake. Duma idomaka o Gikimoi wositatapu daboloka done bilasu ona manga dorou wafanggali, so he iteka kawa de ona magena asa wasisa bai!

Kolose 3:2

Bilasu nia sininga ma meta daputuru o bi moi-moi kagena o sorogaka, de upa nia sininga ma dupa niaaka maro o bi moi-moi datotorou o nyawa kanena o duniaka yaaaka.

2 Petrus 2:1

Ngaroko komagena, duma idomaka o Israel ma nyawa manga sidongirabaka lo kanaga de o bi nabi ikokulai. So komagena to ngini nia sidongirabaka lo done asa kanaga de o bi guru ikokulai. Ona magena asa imasipongoka to ngini nia dolomu ma dongirabaka de o dodoto ikokulai gena ngini inisihaga, so nakoso niasigise de o Yesus niwipiricaya kawa so done o narakaku niumo. Duma o guru ikokulai ona magena ma ngale o Jou Yesus Kristus waijaka de kanaga ona imanosu, so cai-cai bato de ona magena o narakaku yaumo.

2 Korintus 11:15

So upa he ngone pohairani, nakoso o Iblis awi nyawa wileleleani ona magena inasihaga so idadi maro o nyawa o Gikimoi wileleleani itotiai. Ma dodoguka, done asa ona yafanggali de o sangisara kiaka isitetero de to ona manga manara ma sopo.

2 Korintus 11:12

So ngohi ai edekati lo o gaji nginika tinigolowa gena igogou tacoho, la ma ngale o bi sosulo ma somoa ona magena yaakuwa manga giliri isimane itemo ona manga manara imatero de ngomi mia manara.

2 Petrus 2:13

Ena gena, ona yodupa yaaka o bi moi-moi kia bato wodudupawa, so manga dorou gena Una asa wafanggali de o dorou. De ona lo yodupa ngaroko o wange itotiai, duma yorarame de ikalala poli so ona manga made gena ifoloisi ilamo. Ena gena, ma orasi ngini o gogobu nia dolomu ma odo ilalamo ma rabaka, de ona ka manga rohe ma nyafusu masirete yamote de yaaka, sidago lo ma ngale ona magena ngini lo nimade de nia ronga ma dorou o nyawa yogaka.

Galatia 6:13

Ona manga edekati igogou komagena, sababu ona imasusuna masirete lo o bi bobita o Gikimoino yatilakuka. Duma ona yodupa la ngini nipipiricaya gena nisuna, la ma ngale ngini lo nimode nisuna gena asa aku ona manga giliri masirete isimane o Yahudi ma nyawaka.

Gogelelo 21:8

Duma nakoso o bi nyawa ma dorou, ona magena asa yaumo o uku ma talaga ma rabaku la kagena asa yasidutupu de o walira, de komagena ona magena asa yosone ma sinotoka. O bi nyawa ma dorou ona yaumo gena, nakoso yobaraniwa, duma yoholu o Yesus Kristus wipiricaya daputuru. Ona magena manga manara dangodu datorou, ena gena ona yototooma, ona manga nyafusu datotorou yaaaka, ona igogomahate, ona o kia naga de manga gia isiakaka gena yasuba, de lo ona yatotodamato de hitilahi o manara datotorou yaaaka.”

1 Korintus 3:3

sababu ngini gena niaakasi nia sininga ma dupa datotorou, maro o dunia ma bi nyawa o Gikimoi wihoholu ona magena. Kanaga ngini nimatekedoosa de nimatekekangamo moi de moika, so komagena isikelelo igogou ngini o orasi manena kanagasi nia sininga ma dupa datotorou gena niaaka.

Gogelelo 22:15

Duma kagena o kota ma duduka kanaga igoge o nyawa yangodu la de manga manara datotorou, komagena ona yototooma, o nyafusu ma dorou yaaaka, igogomahate, o kia naga manga gia isiaaka de kagena yasusuba de lo yatotodamatoko.

Yudas 1:16

O bi guru ikokulai ona magena yodupa imaridemo de ifeto o Gikimoika. De to ona manga dupa masirete gena yamote de yaaka. De lo ma ngale ona manga manara masirete gena imasihie de lo o nyawa yalalago yasisanangi la yabaja ma ngale ona masirete lo aku o loha yamake.

2 Timotius 3:4

de ngaroko o kia naga moi manga sininga ma rabaka yafikiri datorou, duma ka yaaka sidago yodupa o nyawa ma somoa yaaniaya de dangodu itemo ka yanako. So o bi nyawa maro komagena manga dupa o Gikimoika gena ihiwa, duma ka yodupa yamote to ona manga nyafusu masirete.

1 Timotius 6:5

Ona imatekekangamo, sababu ona magena manga siningaka o dorou iwedoka so yanako kawa o dodoto itotiai. Ona manga sininga ma rabaka itemo bilasu o bi moi-moi maro o kia o Gikimoi wodudupa gena yaaka, duma manga edekati ma rabaka cawali ka o pipi yamake.

2 Tesalonika 2:12

La ma ngale o nyawa, ona magena o demo itotiai de itetero gena yoholu yapiricaya de lo manga sininga ma rabaka isisanangi la o moi-moi datotorou ka yaaka, ona magena yangodu asa manga dorou ma sopo o Gikimoi wahiri gena igogou bilasu yasifanggali de lo o dorou.

Filipi 2:21

Kanaga ona ma binuka yoholu o Yesus Kristus Awi dupa yososininga, duma ka cawali to ona manga dupa masirete.

1 Korintus 5:6

Ma ngale magegena so itiaiwa nakoso kanaga ngini gena nimasihie bai! Bilasu niosininga nakoso ka o dorou moi la nisimaha ioho o gogobu nia sidongirabaka, de ngini gena ma duuruka asa iningaho la ngini lo o dorou niaaka. O dorou moi magena aku potemo, “Maro o ragi ka ma cunu o bokol ma rabaku ngona bilasu nongado, de itekawa asa ma raba yawedoka.”

1 Korintus 5:2

De ngini gena, ce, ngaroko nia dodiao awi gogoho maro komagena, duma kanaga nimasihiesi. Duma ngini bilasu nia sininga isusa de lo nimade, sidago lo ngini o gogobu nia sidongirabano nia dodiao una magena niwisisupu.

Gogelelo 19:20

Kagena de asa o haiwani magena de lo o nabi wokokulai ona magena yatagoka. O nabi wokokulai gena una o nonako ihahairani o haiwani magena ma simaka waakaka. Komagena o bi nyawa o haiwani ma nonako yamamake de lo o giki yatotulada yasusuba ona magena yakulaika. So o haiwani de lo o nabi ona magena asa Una o jaraku wopapane ka waumo o uku ma talaga ma rabaku la yatupu de o walira.

Yakobus 4:16

Duma ngini nimasiiija gena nia edekati ma ngale o moi-moi asa niaaturu, de o Gikimoika nigolowa so ngini nimacaralamo. So de to ngini nia caralamo magena asa nisisala.

2 Tesalonika 2:8

O orasi magena de asa o nyawa ma dorou de lo o Gikimoi Awi demo wahoholu gena o Gikimoi iwisimane. De o nyawa ma dorou una magena witooma de ka cawali o Jou Yesus Awi sulo so ka o demo o dola moi de witoomaka, de o orasi magenaka Una wahino de Awi muliaka la ma ngale o nyawa ma dorou una magena awi buturu lo isisaka.

Lukas 18:4

Ma nonomaka, o hakim magena munaka gena womiriwo woholu. Duma ma duuruka, awi sininga ma rabaka wotemo, ‘Ngaroko ngohi o Gikimoi towimodowa de lo nagoona bato tasidoohawa,

Lukas 16:19

“Kanaga o nyawa wokakaya moi, una awi baju maro o kolano manga baju, so dangodu foloi ihahali. De awi oho o wange isigeto gena ka irarame.

Lukas 12:19

Dabolo de ngohi he tomanara kawa, sababu tadodiahika magena asa foloisi idala, de o taungu muruo naga ma simaka gena ngohi ka toodosi. So ngohi manena aku tobusengi, de ka toodo de toudo, de lo ka torarame bai!’

Matius 25:41

Dabolo de Ngohi asa tatemo o bi nyawa Ai gubalika, ‘Nitagi kasi, ngini gena Ai Baba winikukutuku. Niahika bato nia riho o uku ma sora ikokakali kagena ma rabaka, kiaka wosidodailako dabolo ma ngale o Ibliska de lo awi malaikat-malaikat wimomote.

Matius 16:23

Duma womatodoka o Yesus womakiliho de o Petruska wisidapano wotemo, “He! Iblis, noloda! Ngona gena asa Ngohi noisifafati. Ani sininga magena imaterowa de o Gikimoi Awi sininga, duma ani sininga gena ka o nyawa ma sininga.”

Gogelelo 18:7

Maro to ona manga sininga ma nyafusu la manga kaya yamake de foloisi imasihoromatika, ma lamo komagena so hika pasisangisara sidago ona idodora imatogu-toguwa. Sababu ona manga sininga ma rabaka itemo, ‘Ngohi manena maro o kolano o ngopedeka o pareta ma kursika mopopareta moi. Ngohi tobabalowa de done o orasi moi lo ihiwa asa o dodora tajamewa.’

Roma 6:21

Duma ngini nia manara gena ma sopo daloloha niamakewa, de o orasi manena ma ngale magegena ngini ka nimade. Nia manara ma sopo ma ngale gena ka cawali o oho ka sidutu ikakali gena niamake waasi so ngini de o Gikimoi nimakitingasi.

2 Tesalonika 1:9

Komagena ona magegena asa manga sopo ma dagali itotiai yamake so yasangisara ma bati lo ihiwa. Ena gena, o Jou Awi simaka ona magena asa watinga de to Una Awi kuasa isisiru-siru ma leto gena yakelelo kawa.

Yudas 1:10

Duma igogou o bi guru ikokulai ona magegena, ngaroko o bi moi-moi kanaga ona yanako waasi, duma ibarani yosibicara datorou. De o bi moi-moi kanaga ona gena ka yanako, duma maro ka o haiwani so yosiningawa. So ma ngale manga sininga de manga gogoho komagena, so ona magena done o Gikimoi asa wasisa.