Filipi 2:28 - O GIKIMOI AWI JAJI ma BUKU

²⁸ Mutuwade ngohi bilasu o Epafroditus gena towisigiliho dacapati nginika, la ma orasi ngini niwikelelo de nia sininga asa ifoloi isanangi de ngohi lo ai sininga ma beleso foloi isiguui.

Filipi 2:28 Referans Kwoze

Yohanes 16:22

Komagena lo ngini. O orasi manena asa nipeleso, duma Ngohi asa dede ngini pomakamake kali so asa ninali kali. De nia nali magena o nyawa moi lo yaakuwa yakoora, so nia nali gena isisawa nia sininga ma rabaka.

2 Timotius 1:4

Sababu tosininga ipapasaka ma orasi ngohi totagi de ngona tonidongosaka, kanaga de ani kongo de ani sirangu. So ngohi ai dupa foloi daputuru tanu ngona de ngohi aku pomakamake kali la ai sininga foloisi danali.

2 Korintus 2:3

So ngohi idoma o surati tolefo komagena nginika la ma orasi ngohi done tahika nginika, de ngini gena upa he ai sininga nisipeleso. Sababu igogou ngini bilasu niaaka so ngohi ai sininga aku danali. Ngohi tanako igogou nakoso ngohi la kanaga de ai nalika, de ngini lo aku de nia nali kali.

Rasul 20:38

sababu manga sininga ipeleso poli ma ngale wasitemo onaka done ona he wikelelo kawa. Dabolo de ona yangodu o Paulus iwisitota sidago lo o deruko wisibane.

Dodadi 48:11

De awi baba wotemo unaka, “Idodoma asa ai sininga ma rabaka ngohi he toningongano kawa done aku ngona tonikelelo kali. Duma o Gikimoi woisimahasi la o orasi manena bai to ngona ani ngopa bai aku takelelosi.”

Filipi 2:29

So ngini gena tanu una niwingaho daloha dede nia nalika, maro nia dodiao o Jou Yesus wipipiricayaka. De o nyawa yangodu maro una magegena tanu ngini asa niahoromati.