Filipi 2:26 - O GIKIMOI AWI JAJI ma BUKU

²⁶ Bilasu una towisigiliho kali, sababu una winisiningaka de awi sininga ma dupa gena ka woliho. De lo una awi sininga isusa, sababu wanako ma ngale to una awi panyake gena ngini lo niogiiseka so ngini lo nihawateri.

Filipi 2:26 Referans Kwoze

Filipi 1:8

O Gikimoi wanako gena igogou ngohi todupa tinisayangi nginika imatero maro o Yesus Kristus lo wodupa winisayangi.

Efesus 3:13

So ngini gena ngohi tinigolo, ma ngale o habari daloloha tinisihabari nginika so ngohi ibuika, gena tanu upa ngini nia sininga daceke. Sababu ngohi isangisara gena igogou ma ngale ngini lo done aku inisimulia.

Roma 12:15

De nakoso o nyawa kanaga yanali, de bilasu ngini lo ninali. De nakoso o nyawa kanaga ipeleso, de bilasu ngini lo nipeleso.

Filipi 4:1

Ai dodiao nipipiricaya, ngini tinisiboboso so tinisiningaka de todupa tinikelelo kali. Ma ngale o Yesus Kristus gena ngini tinidotoka so ma orasi ngohi toise ngini o Jou niwingongano, de ngohi ai sininga asa danali imatero de o hadiah tamake. Maro o nyawa moi womagogora sidago waado ma batika so una asa o gogitina ma hadiah wamake de awi nalika. So o bi moi-moi idomaka tinidelefo nginika tanu komagena ngini asa o Jouka nimasigocoho daputuru de upa niwipalako.

Roma 9:2

Ena gena, ma ngale o Israelka ma nyawa gena, ona de ngohi gena mimakaaheli moi, ona yangodu magena ma Kristus iwiholuka. So ngohi ai sininga isangisara de ipeleso poli.

Matius 26:37

De Una wasigaro o Petrus de o Zebedeus awi ngopa yasinoto so ona itagi dede Una. O orasi magena de Awi sininga asa ipeleso de isusa.

Matius 11:28

So niahino Ngohino, ngini ningodu la kanaga nia gina datotubuso niamoku so nisimomodoka. Hino la Ngohi masirete asa nia gina magena tapalako.

1 Petrus 1:6

Komagena so bilasu ngini gena igogou ninali. Ngaroko o orasi manena de ma cunusi kanaga ngini nia siningaka isusa sababu o bi sangisara foloi idala inidahe nginika, duma nia sininga de ma nalisi.

Filipi 1:3

Nakoso ma ngale ngini gena tinisosininga de salalu o Gikimoika tosumbayang totemo, “Ya, Jou! Ani laha ka ilamo poli.”

Galatia 6:2

Nakoso kanaga o nyawa de manga susa ilamo so datubusoka de ona magegena, kodo, bilasu ngini niagalusiri de niariwo. De komagena ngini asa o bi moi-moi ma Kristus wonasusuloka gena niaakaka.

2 Korintus 9:14

De ma ngale ngini gena ona de manga sayangi ilamo so isumbayang, sababu kagena nginika kanaga o Gikimoi Awi laha ilalamo gena imanara foloisi daputuru.

1 Korintus 12:26

So nakoso o bobolo moi kanaga dasiri, de o rohe ma bobolo dangodu lo yamalo. De nakoso o bobolo moi kanaga yahoromati, de o rohe ma bobolo dangodu magegena asa isanangi.

Roma 1:11

Ai gogolo komagena sababu ngohi tinisininga foloi, so todupa tanu ngini de ngohi pomakamake kali la aku o Gikimoi Awi Gurumi ma buturu tinihike, ma ngale o Jou Yesus niwipiricaya foloisi daputuru.

Rasul 21:13

Duma una wosango wotemo, “Ai dodiao ningodu, upa niari sidago lo ai sininga itura. Sababu ngohi tomabolo-boloka upa ka cawali itago de ipiliku, duma ngaroko lo itooma o Yerusalemka sababu ma ngale o Jou Yesus gena towisihabari.”

Filipi 2:25

Nakoso o Epafroditus, una magena ai dodiao wopipiricaya de womomanara gena, bilasu ngohi towisitatapuka de asa towisulo wokahika woliho kali nginika. Una magena lo ngaroko ngohi de ai sangisara ilamo, duma una dede ngohi mimakomote imatero o prajurit moi de awi dodiao so imakangaho la itagi yokudoti. Una magena ngini niwisulo la wahino ngohino ma ngale ngohi ai kurangi ma rabaka de woileleani.

Filipi 2:27

Igogou, una gena wopanyake sidago he wosone. Duma de o Gikimoi Awi galusiri unaka, komagena lo ngohika, so una wisilohaka. Upa sidago ma ngale una gena ngohi ai sininga ipeleso ifoloi poli.